Malakai 1:5 - Chuukese Bible

⁵ Püsin mesemi repwe küna ei, nge oupwe apasa, “Ewe Samol mi Lapalap a tekia, an iteüöch a tori lükün kiännin Israel.”

Malakai 1:5 Iomraidhean Croise

2. Kronika 29:8

Iei mine ewe Samol mi Lapalap a song ngeni chon Juta me chon Jerusalem o föri pwe ir eu lenien eniweniw me ämäirü me turunufas, usun oua püsin küna ren mesemi.

Isikiel 38:16

Iwe, kopwe maun ngeni nei aramasen Israel o feitiu wor usun eu mölümöl mi tori ewe fanü. Lon kan fansoun repwe feito üpwe tinukela, Kok, pwe kopwe maun ngeni fanüei, pwe chon ekewe mwü repwe sileei, lupwen üpwe pwärala womw me fän meser pwe üa pin.

Isikiel 38:23

Iei usun üpwe pwärala pwe üa itetekia o pin, üpwe pwal föri pwe itei epwe föüla fän mesen aramasen chomong mwü. Mürin repwe silei pwe ngang ewe Samol mi Lapalap.”

Isikiel 39:9

“Mürin, chon ekewe telinimwen Israel repwe towu o ionifengeni ekewe pisekin maun pwe repwe eäniir amwüch. Ekewe tittin maun mi watte me kükün, ekewe likapich me föür kewe, ekewe nifötüföt me siles repwe eäniir amwüch lon ükükün fisu ier.

Mika 5:4

Iwe, lupwen ätewe epwe war, epwe nemeni nöün aramas fän pöchökülen ewe Samol mi Lapalap, pwal fän lingen iten ewe Samol mi Lapalap an we Kot. Iwe, ekewe aramas repwe nonom fän kinamwe, pun lon ena fansoun an tekia epwe föüla won unusen fanüfan.

Tuteronomi 11:7

Iwe, oua püsin küna ren mesemi ekei föför mi manaman meinisin ewe Samol mi Lapalap a föri.”

Tuteronomi 4:3

Iwe, ämi oua püsin küna mine ewe Samol mi Lapalap a föri me lon Paal-peor. Pun ewe Samol mi Lapalap ämi we Kot a arosala seni leimi ekewe mwän meinisin mi fel ngeni Paal seni Peor.

Josua 24:7

Iwe, lupwen ämi kewe lewo ra siö ngeniei, üa awora rochopwak lefiler me ekewe chon Isip, üa pwal föri pwe ewe matau a pwölürela o amopuur. Ämi oua silei mine üa föri ngeni ekewe chon Isip. Iwe, oua nom lon ewe fanüapö fansoun langatam.

1. Samuel 12:16

Iei mine oupwe ütä o nengeni ei manaman mi lapalap ewe Samol mi Lapalap epwe le föri me mwemi.