Malakai 1:4 - Chuukese Bible

⁴ Are chon Etom repwe apasa, “Äm kewe telinimw ra tatakis, nge äm aipwe aüsefäliretä,” mürin ewe Samol mi Unusen Manaman epwe apasa, “Repwe tongeni aüretä, nge ngang üpwe ataretiu, tori aramas repwe aita ngeni: Ewe fanü mi ngau, pwal eu mwichen aramas ewe Samol mi Lapalap a song ngeniir tori feilfeilachök.”

Malakai 1:4 Iomraidhean Croise

Hiop 12:14

Are Kot a ataela och, iö epwe tongeni aüsefälietä? Are i a kalapusei eman, iö a tongeni amusa?

Hiop 34:29

Are Kot a fanafanala, iö epwe tongeni apwüngü? Are i a amona mesan, iö epwe tongeni küna? Nge Kot a nemeni eman aramas usun chök an nemeni chon eu mwü,

Hiop 9:4

Kot a tipachem o fokun pöchökül. Iö a pwäk ngeni an epwe ü ngeni?

Kölfel 127:1

Are ewe Samol mi Lapalap esap aüetä ewe imw, a solap än ekewe chon aüetä angang. Are ewe Samol mi Lapalap esap mamasa ewe telinimw, a solap än ekewe chon mas nenela le mamas.

Kölfel 137:7

Ai Samol mi Lapalap, kopwe chechemeni mine ekewe chon Etom ra föri lon ewe ränin Jerusalem a tala. Kopwe chechemeni usun ar apasa, “Ataela, ataela, aturätiu tori longolongun fan.”

Kölfel 33:10

Ewe Samol mi Lapalap a ataela än chon ekewe mwü akot o pinei än ekewe aramas ekiek.

Än Salomon Fos 21:30

Än aramas tipachem, mirit me kapasen öüröür resap tongeni üpalü ngeni ewe Samol mi Lapalap.

Aisea 10:4

Esap wor och mine oupwe tongeni föri lükün chök ämi oupwe nom lein chon oola ika lein chokewe mi mäla lon maun. Iwe, lon ekei feiengau än Kot song esap kisikisila, nge pöün a chüen afeiengaueer.

Aisea 11:14

Repwe chufengen le maun ngeni chon Filistia mi nom lotou, o angei fän pöchökül pisekin ekewe aramas mi nom ötiu. Repwe liapeni ekewe chon Etom me chon Moap, nge chon Amon repwe aleasochis ngeniir.

Aisea 34:10

Iwe, ewe ekkei esap kunula lepwin me lerän, nge ötüötün epwe ötütä feilfeilachök. Ewe fanü Etom epwe tala seni eu täppin aramas tori eu täppin, nge esap wor eman epwe saifetal won.

Aisea 34:5

Iwe, ewe Samol mi Lapalap a amolätä nöün ketilas lon läng. Nengeni, iei epwe feitiu won Etom pwe epwe apwüngü ekewe aramas, a fen apwüngala pwe epwe afeiengaueer.

Jeremaia 31:17

Epwe wor om apilüköch lon kan fansoun mwom, pun noum repwe liwinsefäl ngeni poputän fanüer. Ngang ewe Samol mi Lapalap üa kapas.

Jeremaia 49:20

Iei mine oupwe rongorong usun mine ngang ewe Samol mi Lapalap üa akota ngeni chon Etom, pwal mine üa ekiekietä ngeni ekewe chon Teman: Ellet repwe nukiela pwal ekewe semirit, nge aramas meinisin repwe rükö ren.

Jeremaia 49:7

Iei usun mine ewe Samol mi Unusen Manaman a apasa fänäsengesin Etom, “Ifa usun, esap chüen wor tipachem me lon Teman? Ifa usun, än ekewe chon mirit öüröür a wesila? Ifa usun, esap chüen wor ar tipachem?

Jeremaia 49:8

Ämi chon Tetan, oupwe kul o sü, oupwe op lon ekewe föimw mi alolol. Pun üpwe awarato feiengau won ekewe mwirimwirin Esau lupwen fansoun üpwe apwüngüür.

Jeremaia 5:17

Repwe enala enemi mongö pwal mine oua kini, o niela nöümi mwän me fefin. Repwe ochei nöümi pwiin sip me kow, pwal uän ämi irän wain me fik. Repwe pwal ataala ämi kewe telinimw mi pöchökül tittir oua eäniir apilükülük.”

Kölün kechü 3:37

Iö a tongeni kapas, nge a fisitä ika ewe Samol esap tipeeu ngeni?

Isikiel 11:10

Oupwe mäla lon maun lon kiännin ewe fanü Israel. Mürin oupwe silei pwe ngang ewe Samol mi Lapalap.

Isikiel 25:13

Iei mine ngang Kot ewe Samol mi Lapalap üa apasa: Üpwe ü ngeni Etom o arosala aramasan me mönün lon. Üpwe pwal awili ewe fanü ngeni fanüapö. Iwe, ekewe chon Etom repwe mäla lon maun seni Teman tori Tetan.

Isikiel 25:14

Nei kewe aramasen Israel repwe ngeni chon Etom chappen ar föför fän itei. Ir repwe eäni ai song me lingeringer ngeni chon Etom. Ren ei repwe silei pwe ngang üa ngeniir chappen ar föför,” iei alon Kot ewe Samol mi Lapalap.

Isikiel 26:14

Üpwe awili ngonuk eu fanüen achau pwe kopwe eu lenien apwas epilo, nge kosap chüen kaüsefäl, pun ngang ewe Samol mi Lapalap üa kapas.”

Isikiel 35:4

Üpwe ataela om kewe telinimw, pwe kopwe wiliti eu fanüapö. Mürin kopwe silei pwe ngang ewe Samol mi Lapalap.

Isikiel 35:9

Iwe, üpwe awili ngonuk eu fanüapö feilfeilachök, pwe om kewe telinimw resap chüen so. Mürin kopwe silei pwe ngang ewe Samol mi Lapalap.

Amos 1:11

Iei alon ewe Samol mi Lapalap, “Chon Etom ra chök sopwela le föri tipis, iei mine üpwe fokun apwüngüür. Ra tapweri pwiir kewe chon Israel fän ketilas, nge resap eäni tong ngeniir. Esap wor aükükün ar song, nge ra chök amwöchüfochei.

Amos 3:15

Üpwe atai imwer kewe imweimwen lon fansoun patapat me imwer kewe imweimwen lon fansoun pwichikar. Ekewe imw mi fout ngeni ngiin äläfant repwe tatiu, nge ekewe imw watte repwe tala.” Iei usun mine ewe Samol mi Lapalap a apasa.

Amos 5:11

Oua ariaföüü ekewe chon wöüngau o eriani seniir ar kewe wiich. Iei mine, inamwo ika oua aüetä imw seni fau mi fal, nge ousap nonom lor. Inamwo ika oua fotuki tanipin wain mi fokun mürina, nge ousap ün wain seni.

Amos 6:11

Iwe, lupwen ewe Samol mi Lapalap epwe atowu an allük, ekewe imw watte me ekewe imw kükün repwe tatakisitiu.

Amos 6:2

Oupwe feila o katol ewe telinimw Kalne. Seni ikenan oupwe feila Hamat ewe telinimw mi watte, mürin oupwe feitiu Kat ewe telinimwen chon Filistia. Ifa usun, ekei mwü ra öch seni mwün Juta me Israel? Ifa usun, fanüer a watte seni fanüemi?

Opataia 1:1

Iei osunien Opataia ren met Kot ewe Samol mi Lapalap a apasa usun Etom. Sa rong ekewe pworaus seni ewe Samol mi Lapalap. Eman chon künö a fen titila lemenen ekewe mwü o apasa, “Oupwe amolakemiitä. Ousipwe maun ngeni Etom.”

Opataia 1:10

Pokiten ewe angangen mwänewüs ka föri ngeni pwiüm kewe mwirimwirin Jakop, kopwe kärila o itengau tori feilfeilachök.

Malakai 1:3

nge üa oput Esau. Üa ataela fanüan mi chukuchukutä o likitala fanüan seni saman ngeni ekewe manmwachon lon fanüapö.”

Mateus 12:30

Iwe, are eman esap etiei, i eman chon ü ngeniei, nge are eman esap alisiei le ikioi, i eman chon kütifeseni.