Malakai 1:3 - Chuukese Bible

³ nge üa oput Esau. Üa ataela fanüan mi chukuchukutä o likitala fanüan seni saman ngeni ekewe manmwachon lon fanüapö.”

Malakai 1:3 Iomraidhean Croise

Keneses 25:23

Nge ewe Samol mi Lapalap a üreni, “Ruu ainang ra nonom lon lukom, nge ruu mwichen aramas repwe uputiu senuk. Iwe, ekewe ruu mwich repwe aimwüfesen, nge eu leir epwe pöchökül mwen eu. Iwe, ewe mi lap epwe angang ngeni ewe mi kis.”

Aisea 35:7

Iwe, pi mi pwichikar ren akkar epwe wiliti eu nomun koluk, nge lon ewe fanü mi pwasapwas epwe wor chönüttu. Iwe, ekewe lenien wolif repwe wiliti eu leni mi pwülüöch, ia fetil me irä ra mär ie.

Jeremaia 49:10

Nge ngang üa angei meinisin seni ekewe mwirimwirin Esau. Üa pwärala ar lenien op, pwe resap chüen tongeni op. Nöür kewe semirit ra mäla, pwal pwiir me chon arur. Esap chüen wor eman lusun.

Jeremaia 49:20

Iei mine oupwe rongorong usun mine ngang ewe Samol mi Lapalap üa akota ngeni chon Etom, pwal mine üa ekiekietä ngeni ekewe chon Teman: Ellet repwe nukiela pwal ekewe semirit, nge aramas meinisin repwe rükö ren.

Jeremaia 49:33

Hasor epwe wiliti eu leni ia kolak mi mwacho ra nom ie, epwe pönüla tori feilfeilachök. Esap wor eman epwe imweimw ie, esap pwal wor eman epwe fetal lon. Ngang ewe Samol mi Lapalap üa kapas.”

Jeremaia 49:7

Iei usun mine ewe Samol mi Unusen Manaman a apasa fänäsengesin Etom, “Ifa usun, esap chüen wor tipachem me lon Teman? Ifa usun, än ekewe chon mirit öüröür a wesila? Ifa usun, esap chüen wor ar tipachem?

Jeremaia 49:8

Ämi chon Tetan, oupwe kul o sü, oupwe op lon ekewe föimw mi alolol. Pun üpwe awarato feiengau won ekewe mwirimwirin Esau lupwen fansoun üpwe apwüngüür.

Jeremaia 51:37

Papilon epwe wiliti eu ioien mettoch mi tala, eu leni ia kolak mi mwacho ra nom ie. Epwe och minen eniweniw me och minen turunufas, eu leni esap so.

Jeremaia 9:11

Ewe Samol mi Lapalap a apasa, “Üpwe föri pwe Jerusalem epwe eu ioien mettoch mi tala, eu leni ia ekewe kolak mi mwacho ra nom ie. Üpwe pwal ataela ekewe telinimwen Juta pwe resap chüen so.”

Kölün kechü 4:22

Ämi chon Sion, liwinin ämi tipis a wesila. Ewe Samol mi Lapalap esap chüen mochen oupwe nonomotam lon ämi oola. Nge ämi chon Etom, ewe Samol mi Lapalap epwe apwüngükemi pokiten ämi föföringau o särifala ämi tipis.

Isikiel 36:7

Iei mine ngang Kot ewe Samol mi Lapalap üa pwon fän akapel pwe ekewe mwü mi nom ünükümi repwe pwal püsin riaföü ren ar küna turunufas.

Isikiel 36:9

Iwe, üpwe pelienikemi o kul ngenikemi, üpwe pwal föri pwe epwe wor tanipi won fanüemi.

Sowel 3:19

Iwe, Isip epwe tala, nge Etom epwe wiliti eu fanüapö pokiten ar föförün mwänewüs ngeni chon Juta, pun ra niela aramas esap wor ar tipis me lon ewe fanü.

Opataia 1:10

Pokiten ewe angangen mwänewüs ka föri ngeni pwiüm kewe mwirimwirin Jakop, kopwe kärila o itengau tori feilfeilachök.

Lukas 14:26

“Iö a feito rei esap tongeni nei chon kaiö, are esap echeniei lap seni an echeni saman me inan, pwülüan me nöün kana, pwiin me fefinan kana, pwal mwo nge püsin manauan.