Malakai 1:2 - Chuukese Bible

² Iei alon ewe Samol mi Lapalap ngeni nöün aramas, “Üa echenikemi.” Nge ämi oua ais, “Ifa usun om echenikem?” Iwe, ewe Samol mi Lapalap a pälüeni, “Ifa usun, Esau sap pwin Jakop? Üa echeni Jakop,

Malakai 1:2 Iomraidhean Croise

Keneses 25:23

Nge ewe Samol mi Lapalap a üreni, “Ruu ainang ra nonom lon lukom, nge ruu mwichen aramas repwe uputiu senuk. Iwe, ekewe ruu mwich repwe aimwüfesen, nge eu leir epwe pöchökül mwen eu. Iwe, ewe mi lap epwe angang ngeni ewe mi kis.”

Keneses 25:25

Iwe, ewe aeumanün mi uputiu akom a parapar ünüchan, nge unusen inisin a ülöül usun ülen man. Iei mine ra aita ngeni Esau .

Keneses 25:26

Mürin pwin we a uputiu, nge pöün a amwöchü apilipilin pechen Esau. Iei mine ra aita ngeni Jakop . Iwe, Isaak a ierini wone, lupwen Repeka a nöünöü.

Keneses 27:33

Iwe, Isaak a fokun chechech o apasa, “Iö chök ewe chon likapich man a uwato liapan rei? Üa mongö meinisin mwen kosamwo feito, üa pwal afeiöchü. Ewer, epwe fokun feiöch.”

Keneses 48:4

Iwe, a kapas ngeniei, ‘Üpwe aupwuk o achomongok pwe kopwe wiliti eu mwichen aramas mi chomong, üpwe pwal ngeni mwirimwirum kana ei fanü pwe repwe fanüeni tori feilfeilachök.

1. King 10:9

Üpwe mwareiti ewe Samol mi Lapalap om we Kot mi pwapwaituk o atolongok lon ewe wisen king lon Israel. Pokiten ewe Samol mi Lapalap a echeni Israel tori feilfeilachök, iei mine a seikuketä pwe kopwe nöür king o eäni kapwüng me pwüng ngeniir.”

2. King 3:8

Jehosafat a pwal aisini, “Meni al sipwe feila won?” Nge Joram a pälüeni, “Sipwe feila won ewe aletam mi alelong lon ewe fanüapön Etom.”

Aisea 43:4

Pokiten om aüchea me om itetekia me rei, pwal pokiten ai echenuk, üpwe fangala aramas pwe siwilum, pwal ekewe mwü pwe akasiwilin manauaom.

Aisea 63:1

“Iö ätewe a feito me Etom seni ewe telinimw Posra fän üfan mi tiketikepar? Iö ätewe a fokun lingöch fän üfan o fetal lon an pwora me pöchökül mi lapalap?” “Ngang ewe Samol mi Lapalap üa kapas fän pwüng, üa tufichin amanaua aramas.”

Jeremaia 2:31

Ämi aramasen Israel, oupwe aüselinga aloi. Ifa usun, üa wewe ngeni eu fanüapö me remi, ika eu fanüen rochopwak me feiengau? Pwota ämi nei aramas oua apasa, ‘Äm aipwe chök föri letipem, aisap chüen liwinsefälito reöm.’

Jeremaia 2:5

Iei alon ewe Samol mi Lapalap, “Met mwäli ämi kewe lewo ra küna, pwe ra feila toau seniei? Ra fel ngeni ekewe uluulun anümwäl mi lomotongau o wiliti aramas mi lomotongau.

Jeremaia 31:3

Üa pwä ngeniir me toau o apasa: Üa echenikemi ren ewe chen esemüch, iei mine üpwe sopwela le pwäri ngenikemi ai tong ellet.

Amos 1:11

Iei alon ewe Samol mi Lapalap, “Chon Etom ra chök sopwela le föri tipis, iei mine üpwe fokun apwüngüür. Ra tapweri pwiir kewe chon Israel fän ketilas, nge resap eäni tong ngeniir. Esap wor aükükün ar song, nge ra chök amwöchüfochei.

Malakai 2:17

Oua aweiresi ewe Samol mi Lapalap ren ämi kapas. Nge oua ais, “Ifa usun äm aweiresi?” Ren ämi apasa, “Aramas meinisin mi föri mine a ngau ra mürina me fän mesen ewe Samol mi Lapalap, i a pwapwaitiir.” Ika ren ämi ais, “Ia a nom ie ewe Kot mi eäni kapwüng fän pwüng?”

Lukas 10:29

Nge ewe Sensen Allük a mochen pwärala pwe i mi pwüng, iei mine a üreni Jesus, “Iö chon ori?”

Johannes 15:12

Iei ai allük: Oupwe echenifengenikemi lefilemi usun ngang üa echenikemi.

Tuteronomi 10:15

Nge ewe Samol mi Lapalap a pwapwaäsini le echeni ämi kewe lewo o afilikemi me lein chon ekewe mwü meinisin, pun ämi mwirimwirir, usun a fis tori ikenai.

Tuteronomi 23:5

Nge ewe Samol mi Lapalap ämi we Kot esap rongorong ngeni Palam, pwe a fen sorei ewe anümamau ngeni feiöch fän itemi, pun a tongeekemi.

Tuteronomi 33:3

Ellet, a tongei nöün aramas. Nöün chon pin ra nom lepöün. Iwe, ra chapetiu arun pechen o angei an öüröür,

Tuteronomi 4:37

Iwe, pokiten a echeni ämi kewe lewo o afili mwirimwirir, a emwenikemiiwu seni Isip ren an nonom ngenikemi, pwal ren an manaman mi lapalap.