Malakai 1:12 - Chuukese Bible

¹² Nge oua apiningaua pinin ewe rongen asor, lupwen oua apasa pwe ai rongen asor a limengau, nge ewe mongö mi nom won a anioput.

Malakai 1:12 Iomraidhean Croise

2. Samuel 12:14

Nge pokiten ei föför ka awora popun än ekewe chon oput ewe Samol mi Lapalap repwe turunufasei i, iei mine ewe mönükol epwe upu ngonuk epwe mäla.”

Isikiel 41:22

eu rongen asor seni mwüch ükükün tekian limu fiit, nge langataman me chölapan ruanü fiit. Lepwokukun pwal longolongun me lepekin ra för seni mwüch. Iwe, ewe mwän a üreniei, “Iei ewe chepel a nom fän mesen ewe Samol mi Lapalap.”

Isikiel 44:16

Ir chök repwe tolong lon leniei mi pin o kan ngeni ai rongen asor, pwe repwe föri ar angang ngeniei.

Osea 13:9

Üpwe afeiengauakemi, ämi chon Israel, pun oua ü ngeniei ngang ewe chon alisikemi.

Lifitikos 18:21

Iwe, kosap eäni asor eman noum ngeni ewe kot itan Molok. Ren ei ka turunufasei itei, pun ngang ewe Samol mi Lapalap om we Kot.

Amos 2:7

Ra chök ipweri ekewe chon wöüngau usun eman a ipwetiu won pwül o atoka seni ekewe chon riaföü pwüngün ar kapwüng. Eman mwän me saman ra konopök ren eman chök chon angang fefin. Iei usun ra apiningaua pinin itei.

Malakai 1:13

Oua apasa, ‘Aia chipwang ren ei lapalap,’ oua pwal oputaei. Ämi oua uwato pwe ämi asor mine oua fen soläni ika mine a ter ika mine a samau. Ifa usun, oua ekieki pwe ngang üpwe etiwa ei sokun asor seni lepöümi?

Malakai 2:8

Nge ämi oua kul seni ewe al mi pwüng. Chomong aramas ra chepetek ren lapalapen ämi aiti ngeniir ekewe allük. Oua pwal atai ewe pwon üa eäni ngenikemi.

Nöün Paulus Toropwe ngeni ekewe Souläng lon Rom 2:24

Ekewe Toropwe mi Pin ra apasa, “Pokiten ämi chon Juta, ekewe chon lükün Israel ra aitengaua iten Kot.”