Malakai 1:1 - Chuukese Bible

¹ Iei pwärien Malakai we, a asile ngeni chon Israel fän alon ewe Samol mi Lapalap.

Malakai 1:1 Iomraidhean Croise

Aisea 13:1

Iei ewe kapasen osuni usun Papilon, Kot a pwäri ngeni Aisea nöün Am we mwän lon künan:

Jeremaia 23:33

Iwe, ewe Samol mi Lapalap a üreniei, “Are eman me lein ekei aramas ika eman soufos ika eman souasor epwe aisinuk, ‘Met ewe weires ewe Samol mi Lapalap a kapas usun?’, kopwe üreni, ‘En ewe a weires reöm, nge i epwe ärukola. Iei alon ewe Samol mi Lapalap.’

Nahum 1:1

Iei än Kot kapas usun ewe telinimw Ninifa. Lon ei puk a mak künaen Nahum ewe re Elkos.

Apakuk 1:1

Iei ewe pworaus Kot a pwäri ngeni ewe soufos Apakuk.

Akai 1:1

Lon aruuen ierin mwün Tarius ewe kingen Persia, lon aeuin ränin ewe awonuen maram, ewe Samol mi Lapalap a kapas ngeni ewe soufos Akai fän iten Serupapel nöün Sealtiel we mwän ewe kepinan Juta, pwal fän iten Josua nöün Jehosatak we mwän ewe souasor mi lap.

Akai 2:1

Iwe, lon rüe me aeuin ränin ewe afisuen maram lon ewe chök ier alon ewe Samol mi Lapalap a torisefäli ekewe aramas ren ewe soufos Akai.

Sekaraia 12:1

Iei ewe pworaus ewe Samol mi Lapalap a apasa fän äsengesin Israel. Iei alon ewe Samol mi Lapalap mi ameresala ekewe läng, ewe mi föri fanüfan o atolonga ewe ngasangasen manau lon aramas,

Sekaraia 9:1

Iei än ewe Samol mi Lapalap kapasen apwüng ngeni ewe fanü Hatrak, a pwal nonom won ewe telinimw Tamaskus. Iwe, mesen ekewe aramas meinisin pwal mesen chon ekewe ainangen Israel meinisin ra netä ngeni ewe Samol mi Lapalap.

Malakai 2:11

Ekewe chon Juta ra atai ar pwon ngeni Kot o föri föför mi anioput lon Israel me Jerusalem. Ra apiningaua pinin än ewe Samol mi Lapalap leni mi pin a aücheani. Ra pwüpwülü ngeni föpwül mi fel ngeni ekewe koten ekis.