Lukas 9:54 - Chuukese Bible

⁵⁴ Iwe, lupwen ekewe chon kaiö James me Johannes ra küna ei, ra üra, “Ka mochen pwe äm aipwe köratiu ekkei seni läng, pwe epwe kenala ekei aramas?”

Lukas 9:54 Iomraidhean Croise

2. Samuel 16:9

Mürin, Apisai nöün Seruia we mwän a üreni ewe king, “Pwota enan kolak mi mä a tongeni ottekiik, ai samol me ai king? Kopwe mwüt ngeniei pwe üpwe feila ren ikenan o pöküela üan.”

2. Samuel 21:2

Ekewe chon Kipeon sap ir aramasen Israel, nge ir chokewe mi chüen manau me lein ekewe chon Amor. Ekewe aramasen Israel ra pwon fän akapel pwe repwe tümwünüür, nge Saul a ekiekin aroserela lon an tiliken fän iten ekewe aramasen Israel me Juta. Iwe, ewe king Tafit a titi ekewe chon Kipeon

2. King 1:9

Mürin, ewe king a tinala eman meilapen sounfiu fiti lime nöün sounfiu, pwe repwe uwato Elias. Iwe, ewe meilap a feito ren Elias mi mot won ungen eu chuk o üreni, “En aramasen Kot, ewe king a allük ngonuk pwe kopwe feitiu.”

2. King 10:16

Iwe, Jehu a üreni, “Kopwe etiei pwe kopwe küna ai tiliken fän iten ewe Samol mi Lapalap.” Iwe, a eti Jehu le sai won waan woken.

2. King 10:31

Nge Jehu esap aleasochis ngeni än ewe Samol mi Lapalap ewe Koten Israel allük ren unusen lelukan. Esap kul seni ekewe tipis Jeropoam a föri, lupwen a emweni Israel ngeni tipis.

Än Salomon Afalafal 3:3

A wor fansoun niela pwal fansoun apöchökülätä, a wor fansoun ataela pwal fansoun aüetä.

Markus 3:17

James me Johannes pwiin we, ir nöün Sepeti, Jesus a aita ngeniir “Poanerkes” a wewe ngeni “Nöün Chopulap”,

Lukas 9:55

Nge Jesus a sap ngeniir o apwüngüür.

Pwärätä 13:13

Ei aruomanün manmwacho a afisätä manaman mi lapalap. A pwal tongeni awora ekkei mi feitiu seni läng won fanüfan mwen mesen aramas meinisin.

Pwärätä 13:3

Eu me lein möküren ewe manmwacho kewe a kinas usun itä nge eu kinas epwe mäla ren. Nge ewe kinas a mola. Unusen chon fanüfan ra mairü ren o ra tapwela mürin ewe manmwacho.