Lukas 9:23 - Chuukese Bible

²³ Mürin a üreni ekewe aramas meinisin, “Are eman a mochen etiei, epwe pölükü manauan, epwe mwärei an iräpenges rän me rän o tapweto müri.

Lukas 9:23 Iomraidhean Croise

Nöün Paulus Toropwe ngeni ekewe Souläng lon Rom 8:13

Pun are oua nonom fän nemenien fituk, oupwe mäla. Nge are oupwe amäloi ekewe föförün tipis ren Ngünmifel, iwe, oupwe manau.

Kolose 3:5

Iei mine oupwe amäloi ekewe mochenian fanüfan mi nom remi: sokopaten föförün lisowu, lüangau, mocheisou, mocheniangau me tipemong. (Pun tipemong och sokun angang ngeni anümwäl.)

2. Timoty 3:12

A pwüng pwe aramas meinisin mi mochen manaueni eu manauen souläng lon Kraist Jesus repwe tolong lon ninni.

Titus 2:12

Än Kot ümöümöch a aiti ngenikich ach sipwe likitala ach turunufas me mochenian fanüfan, nge sipwe eäni mirit, pwüng me soulängöch lon ach manau lon ei fanüfan.

Ipru 13:13

Iei mine ousipwe feila ren lükün ewe leni ia ekewe aramas ra nom ie, pwe sipwe eti i lon an itengau.