Lukas 9:19 - Chuukese Bible

¹⁹ Ra pölüeni, “Ekoch ra apasa pwe en Johannes Soupapatais, ekoch ra apasa pwe en Elias, nge pwal ekoch ra apasa pwe en eman lein ekewe soufosun lom a manauatä.”

Lukas 9:19 Iomraidhean Croise

Malakai 4:5

Nengeni, ngang üpwe tinala remi ewe soufos Elias me mwen ränin ewe Samol mi Lapalap epwe war, ewe rän mi lap o eniweniu.

Mateus 14:2

Iwe, a üreni nöün kewe nöüwis, “Iei i wesewesen Johannes Soupapatais, a manauatä seni mäla. Iei popun a tongeni föri ekewe manaman.”

Mateus 3:1

Lon ewe fansoun Johannes Soupapatais a feila ngeni ewe fanüapön Jutea o popuetä le afalafal.

Markus 6:14

Iwe, ewe king Herotes a rong usun pworausen Jesus, pwe itan a föüla ekis meinisin. Ekoch aramas ra apasa, “Johannes Soupapatais a manausefäl seni mäla. Iei popun a wor an tufich le föri ekewe manaman.”

Markus 6:15

Nge ekoch ra apasa, “Ätei Elias,” nge pwal ekoch ra apasa, “Ätei eman soufos usun eman ekewe soufosun lom.”

Lukas 9:18

Lon eu rän, lupwen Jesus a chök emanüla le iotek, nöün kewe chon kaiö ra feito ren. Iwe, Jesus a aisiniir, “Met ewe mwichen aramas ra apasa usi?”

Lukas 9:20

Iwe, Jesus a aisiniir, “Nge ämi, iö oua üra pwe ngang?” Petrus a pölüeni, “En Kraist nöün Kot.”

Johannes 1:21

Iwe, ir ra aisini, “Nge iö chök en? En Elias?” Johannes a pölüeni, “Apw, sap ngang Elias” Ra pwal aisini, “En ewe Soufos?” Johannes a pölüeni, “Apw.”

Johannes 1:25

ra aisini Johannes, “Ika sap en Kraist ika Elias ika ewe Soufos, pwota chök ka föri angangen papatais?”

Johannes 7:40

Iwe, ekoch ekewe aramas me lon ewe mwich ra rongorong än Jesus kapas o ra apasa, “Ei mwän i wesewesen ewe Soufos.”

Johannes 9:17

Iei mine ekewe Farisi ra aisinisefäli ewe mwän, “Met en ka apasa usun i, pun i a aneneloi mesom?” Iwe, ewe mwän a pölüeni, “I eman soufos.”