Lukas 9:12 - Chuukese Bible

¹² Nge lupwen a arapakan tuputiuen akkar, ekewe engol me ruoman chon kaiö ra feito ren Jesus o üreni, “Kopwe tinala ekewe aramas, pwe repwe feila lon ekewe sopw me leni mi arap, pwe repwe küt aner mongö me ar lenien möür, pun ei leni a toau seni lenien aramas.”

Lukas 9:12 Iomraidhean Croise

Isikiel 34:25

Iwe, üpwe föri eu pwonen kinamwe lefiler me ngang o arosala manmwachon ewe fanü, pwe nei sip kana repwe nonom lon fanüapö fän kinamwe o möür lein ekewe wöllap.

Osea 13:5

Ngang ewe mi tümwünükemi lon ewe fanüapö, lon ewe fanü mi pwasapwas.

Mateus 14:13

Iwe, lupwen Jesus a rong ewe pworaus usun Johannes, a fiti efoch wa seni ikenan o feila ngeni eu leni ia esap wor aramas ie. Nge lupwen ekewe aramas ra rong usun, ra feila seni telinimwer kewe o tapwela mürin, nge ra chök fetal wilifanü.

Mateus 15:23

Nge Jesus esap pölüeni an kapas. Iei mine nöün kewe chon kaiö ra feito ren o tüngormau ngeni, “Kopwe tinala neminei, pun a chök kökköto me mürich.”

Mateus 15:32

Mürin Jesus a körato nöün kewe chon kaiö o üreniir, “Ngang üa fokun tongei ekewe aramas, pun ra fen nonom rei lon ükükün ülüngat rän, nge iei esap wor och mine repwe äni. Ngang üsap mochen tiniirela lon ar echik, pun repwe tongeni mamasaroch lupwen repwe fetal ngeni lenier.”

Lukas 9:11

Lupwen ewe mwichen aramas ra rong usun, ra tapwela mürin. Iwe, Jesus a etiweer o afalafaleer usun Mwün Kot, a pwal apöchöküla chokewe mi samau.

Lukas 9:13

Nge Jesus a üreniir, “Ämi oupwe ngeniir met repwe mongö!” Iwe, ra pölüeni, “Iei chök ükükün mine a wor rem, limeföü pilawa me ruoman ik. Ka mochen aipwe feila o kamö mongö fän iten ei mwichen aramas?”

Johannes 6:1

Iwe, mürin ei pworaus Jesus a feila epek ewe nomun Kalilea. (Ei noom a pwal iteni nomun Tiperias.)

Filipi 1:19

pun üa silei pwe pokiten ämi iotek, pwal ren än Ngünün Jesus Kraist alisiei üpwe ngasala.