Lukas 9:11 - Chuukese Bible

¹¹ Lupwen ewe mwichen aramas ra rong usun, ra tapwela mürin. Iwe, Jesus a etiweer o afalafaleer usun Mwün Kot, a pwal apöchöküla chokewe mi samau.

Lukas 9:11 Iomraidhean Croise

Aisea 61:1

Iwe, Ngünün Kot ewe Samol mi Lapalap a nonom woi, pun a awisaei pwe üpwe aronga ngeni chon mwelele pworausen manau. A tinieito pwe üpwe achipa chon luketatakis, üpwe asile ngeni chon oola ar repwe ngasala, pwal ngeni chon fötek pwe epwe suk lenien ar fötek.

Mateus 12:15

Lupwen Jesus a rong usun ar ekiekin rawangauei, a feila seni ewe leni, nge eu mwichen aramas mi chomong a tapwela mürin. Iwe, a apöchöküla ekewe chon samau meinisin

Mateus 14:14

Lupwen Jesus a tötiu me won ewe wa, a küna eu mwichen aramas mi chomong. A fokun tongeer o a apöchökülätä ekewe chon samau me leir.

Mateus 21:31

Iwe, iö lein ekewe ruoman nau a föri letipen saman?” Iwe, ra pölüeni, “Ewe mi watte.” Iei mine Jesus a üreniir, “Enlet, üpwe ürenikemi, pwe ekewe chon ioni takises me ekewe fin lisowu repwe tolong lon Mwün Kot mwemi.

Mateus 21:43

Iei mine üpwe ürenikemi, pwe Kot epwe angei senikemi Mwün we o ngeni eu mwichen aramas mi awora ua ren ar föri föför mi pwüng.

Lukas 1:53

A amenemenöchü chokewe mi echik ren chomong mettoch mi mürina, o tinala ekewe chon pisekisek fän ar asöülapö.

Lukas 5:31

Jesus a pölüeniir, “Aramas mi pöchökül esap lomot ngeniir eman sousafei, nge a lomot ngeni ekewe chon samau.

Lukas 8:1

Eu fansoun mürin Jesus a saifeil lon ekewe telinimw me sopw o afalafala ewe Pworausen Manau usun Mwün Kot. Iwe, ekewe engol me ruoman chon kaiö ra eti,

Lukas 8:10

Jesus a pölüeni, “Kot a fen mwüt ngenikemi pwe oupwe silei ewe pworaus usun ekewe monomonen Mwün Kot, nge ren ekewe ekoch aramas a toriir lon pworausen awewe, pun repwe nenengeni, nge resap küna och, repwe pwal rongorong, nge resap wewe ren.

Lukas 9:10

Iwe, ekewe soukünö ra liwinsefäl o apworausa ngeni Jesus meinisin mine ra föri. Iwe, Jesus a emweniirela ngeni ewe telinimw Petsaita.

Lukas 9:12

Nge lupwen a arapakan tuputiuen akkar, ekewe engol me ruoman chon kaiö ra feito ren Jesus o üreni, “Kopwe tinala ekewe aramas, pwe repwe feila lon ekewe sopw me leni mi arap, pwe repwe küt aner mongö me ar lenien möür, pun ei leni a toau seni lenien aramas.”

Lukas 9:2

Mürin a tiniirela pwe repwe afalafala usun ewe Mwün Kot o apöchökülätä ekewe mi samau.

Johannes 4:34

Jesus a üreniir, “Anei mongö ai üpwe aleasochisi letipen ewe mi tiniei o awesala ewe angang a awisa ngeniei pwe üpwe föri.

Johannes 6:37

Chokewe meinisin Semei a ngeniei, repwe feito rei. Nge iö a feito rei, üsap fokun asüela.

Föför 28:31

A afalafal usun Mwün Kot o aiti ngeniir usun ach Samol Jesus Kraist. A pwora le kapas, nge esap wor eman a pinei.

Nöün Paulus Toropwe ngeni ekewe Souläng lon Rom 10:14

Nge ifa usun ar repwe tongeni köri i, are resap lükü? Ifa usun ar repwe tongeni lükü, are resap rongorong an kapas? Nge ifa usun ar repwe tongeni rongorong ewe kapas, are esap wor eman a asile ngeniir?

Nöün Paulus Toropwe ngeni ekewe Souläng lon Rom 10:17

Iei mine än eman lükülük a pop seni an rongorong ewe kapas, nge ewe kapas a pop seni än eman afalafala Kraist.

Nöün Paulus Toropwe ngeni ekewe Souläng lon Rom 15:3

Pun Kraist esap chök kütta mine epwe püsin pwapwa ren. Nge iei usun a mak lon ekewe Toropwe mi Pin, “Ekewe kapasen esit mi toruk ra pwal toriei.”

2. Timoty 4:2

pwe kopwe afalafala ewe Kapasen Kot. Kopwe achocho ngeni om kopwe arongafeili ewe Kapas, ese lifilifil ika lon fansoun öch ika lon fansoun ese öch. Kopwe föri ewe angangen fön, apwüng me apöchöküla manauen souläng lupwen ka föri ewe angangen asukul fän mosonotam.

Ipru 4:16

Iei mine sipwe arap ngeni än Kot we lenien mot fän apilüköch, ia sia küna ümöümöch me ie. Ikenan sipwe angei tong o küna ümöümöch, pwe epwe alisikich lon fansoun ach osupwang.