Lukas 9:1 - Chuukese Bible

¹ Iwe, Jesus a körifengeni nöün kewe engol me ruoman chon kaiö o ngeniir tufich me manaman, pwe repwe asüela anün rochopwak o apöchökülatä ekewe mi samau.

Lukas 9:1 Iomraidhean Croise

Mateus 16:19

Ngang üpwe ngonuk ekewe kien Mwün Läng. Mine en kopwe pinei won fanüfan epwe pinepin lon läng, nge mine en kopwe mwütätä won fanüfan epwe pwal mwümwütä lon läng.”

Mateus 4:24

Iwe, pworausen Jesus a chöfetal lon unusen ewe fanü Siria, pwe ekewe aramas ra uwato ren ekewe chon samau meinisin, chokewe mi üriir sokopaten samau o metek, aramas mi waan anü, mään kawakau me aramas mi mwök. Iwe, Jesus a apöchöküleretä meinisin.

Mateus 8:9

Pun pwal ngang eman mi nom fän nemenien ekewe meilap seniei, nge mi pwal wor sounfiu ra nom fän nemeniei. Üa üreni eman, ‘Kopwe feila,’ iwe, a feila. Üa pwal üreni eman, ‘Kopwe feito,’ iwe, a feito. Üa üreni nei amanau, ‘Kopwe föri ien me ien,’ iwe, a föri.”

Lukas 10:1

Mürin ekei pworaus, ewe Samol a pwal filätä fik me ruoman mwän o a tiniirela akaruoman pwe repwe akomwola mwan lon ekewe telinimw me leni meinisin püsin i epwe feila ie me mürin.

Lukas 10:19

Oupwe rongorong! Ngang üa ngenikemi manaman, pwe oua tongeni puri ekewe serepenit me mönükam, oupwe pwal pworaiti manamanen ewe Chon Oput. Iwe, esap wor och epwe tongeni afeiengauakemi.

Johannes 14:12

Enlet, üpwe wesewesen ürenikemi: Iö a lüküei epwe föri ekewe föför ngang üa föriir, ewer, epwe pwal mwo nge föri föför mi lap seni ekei, pun ngang üpwe feila ren Semei.

Föför 1:8

Nge ämi oupwe angei ewe manaman lupwen Ngünmifel epwe feitiu womi, iwe, oupwe pwäriei lon Jerusalem, lon unusen Jutea me Samaria tori lon unusen fanüfan.”

Föför 3:16

Ren manamanen iten Jesus ei mwän mi pechemä a pöchökületä. Met oua küna o silei a fis pokiten äm aia lükü itan. Ren äm lükü Jesus a fis pwe ei mwän a wesewesen pöchökületä usun ämi meinisin oua küna.

Föför 4:30

Kopwe pwärala om pöchökül pwe chon samau repwe pöchökületä, kopwe mwütätä pwe asisil me manaman repwe fis ren iten Jesus noumw we Chon Angang mi pin.”

Föför 9:34

Iwe, Petrus a üreni, “Äneas, Jesus Kraist epwe apöchökülok iei. Kopwe pwätä o önü kiom.” Lon ewe chök otun Äneas a pwätä.