Lukas 8:8 - Chuukese Bible

⁸ Nge ekoch föün ra mworotiu lon pwül mi mürina. Ekewe irä ra märitä o fokun ua, efoch me efoch a uani ipükü.” Mürin Jesus a sopwela le apasa, “Iö a wor selingan epwe rongorong.”

Lukas 8:8 Iomraidhean Croise

Keneses 26:12

Iwe, Isaak a tanipi lon ewe fanü, nge lon ena ier a kinikin fän ipükü lap seni mine a fotuki, pun ewe Samol mi Lapalap a afeiöchü Isaak.

Än Salomon Fos 20:12

Ewe Samol mi Lapalap a föri selingach pwe sipwe tongeni rongorong, me mesach pwe sipwe tongeni künakün.

Än Salomon Fos 8:1

Oupwe rongorong! Tipachem a kökkö, mirit a leüömongetä.

Jeremaia 13:15

Oupwe rongorong o aü selingemi, ämi chon Juta. Ousap lamalamtekia, pun ewe Samol mi Lapalap a kapas.

Jeremaia 25:4

Ämi ousap mochen aüseling ika aü selingemi pwe oupwe rongorong, inamwo ika ewe Samol mi Lapalap a tinikisiela remi nöün kewe chon angang ekewe soufos.

Mateus 11:15

Iö a wor selingan epwe rongorong.

Mateus 13:23

Nge ekewe pwükil ra mworotiu won pwül mi mürina ra wewe ngeni chokewe mi rongorong ewe kapasen Kot o weweiti. Iwe, ra ua, ekoch ra uani ipükü, ekoch wone, nge pwal ekoch ilik.”

Markus 4:20

Nge ekoch aramas ra wewe ngeni ekewe pwükil ra mworotiu won pwül mi mürina. Iwe, ra rong ewe kapasen Kot, ra etiwa o ua. Ekoch ra uani ilik, ekoch wone, pwal ekoch ipükü.”

Markus 4:23

Iö a wor selingan epwe rongorong.”

Markus 4:8

Iwe, nge pwal ekoch föün ra mworotiu lon pwül mi mürina. Ekewe irä ra pwukuta, ra märitä o ua. Ekoch leir ra uani ilik, ekoch wone, nge ekoch ipükü.”

Markus 7:16

[Iö a wor selingan epwe rongorong.]”

Lukas 14:35

Esap wor lomotan ngeni ewe pwül ika ngeni an epwe koiasi, epwe chök koturula. Iö a wor selingan epwe rongorong.”

Lukas 8:15

Nge ekewe pwükil mi mworotiu lon pwül mi mürina ra wewe ngeni chokewe mi rongorong kapasen Kot o amwöchü lon eu leluk mi mürina o aleasochis, ra likitü tori ra ua.

Lukas 8:7

Pwal ekoch kewe föün ra mworotiu lein iräfölüföl. Iwe, ekewe iräfölüföl ra märipökütä me ekewe irä o ra amopu ekewe irä.

Efisos 2:10

Pun Kot a förikich pwe sipwe eäni ei manau, a förikich lon Kraist Jesus pwe sipwe föri ekewe föför mi mürina a fen amolätä fän itach pwe sipwe föföri.

Kolose 1:10

Mürin oupwe tongeni manaueni eu manau mi fich ngeni ach Samol o oupwe föri mine epwe pwapwa ren. Iwe, epwe wor sokopaten föför mürina lon manauemi, oupwe mämäritä lon ämi silei Kot.

Pwärätä 13:9

Are a wor selingen eman epwe rongorong:

Pwärätä 2:11

Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau esap küna feiengau ren ewe aruen mäla.”

Pwärätä 2:7

Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau üpwe mwütätä pwe epwe mongö seni ewe irän manau mi nom lon än Kot we tanipi.”

Pwärätä 3:13

Are a wor selingen eman epwe rongorong mine Ngünmifel a üreni ekewe mwichefel.”

Pwärätä 3:6

Are a wor selingen eman, epwe rongorong mine Ngünmifel a üreni ekewe mwichefel!”