Lukas 8:6 - Chuukese Bible

⁶ Ekoch föün ra mworotiu lon lenien föüföü. Iwe, lupwen ekewe irä ra pwükütä, ra pwasala, pun ewe pwül ese nüküchöchön.

Lukas 8:6 Iomraidhean Croise

Jeremaia 5:3

Ai Samol mi Lapalap, ifa usun, kosap kütta aramas mi wenechar? En ka niir, nge ir resap mefi riaföü. Ka afeiengaueer, nge ir resap mochen miritila ren. Ra tipepöchökül, nge resap fokun mochen ekieksefäl.

Isikiel 11:19

Üpwe ngeniir eu leluk mi fö, üpwe pwal fangelong lor eman ngün mi fö. Üpwe angei me leutur ewe leluk mi pöchökül usun fau o ngeniir eu leluk mi pwetete.

Isikiel 36:26

Iwe, üpwe ngenikemi eu leluk mi fö, üpwe pwal fangelong lomi eman ngün mi fö. Üpwe angei me leutumi ewe leluk mi pöchökül usun fau o ngenikemi eu leluk mi pwetete.

Amos 6:12

Ifa usun, oris ra sä won achau? Ifa usun, eman a tuw won achau ren ätemwänin kow? Nge ämi oua sorei pwüngüöch ngeni poison, nge pwüng oua sorei ngeni pwüngingau.

Lukas 8:13

Ekewe pwükil mi mworotiu lon lenien föüföü ra wewe ngeni chokewe mi rongorong kapasen Kot o etiwa fän pwapwa. Nge pokiten ewe kapas esap tongeni warar lor, ra chök lükü lon fansoun mochomoch. Nge lupwen fansoun sosot a toriir, ra müttir kuf.

Lukas 8:5

“Eman mwän a feila pwe epwe amworafeili fotan pwükil. Iwe, lupwen a amworafeili ekewe pwükil, ekoch föün ra mworotiu lepekin al, ia aramas ra puriretiu ie, nge ekewe machang ra äni.

Lukas 8:7

Pwal ekoch kewe föün ra mworotiu lein iräfölüföl. Iwe, ekewe iräfölüföl ra märipökütä me ekewe irä o ra amopu ekewe irä.

Ipru 3:15

Iei usun met a mak lon ekewe Toropwe mi Pin, “Ikenai are oua rong mwelien Kot, ousap apöchöküla lelukemi usun ämi kewe lewo, lupwen ra pöchökül le ü ngeni Kot.”