Lukas 8:37 - Chuukese Bible

³⁷ Mürin aramasen ewe fanü meinisin ra tüngor ngeni Jesus pwe epwe feila seniir, pun ra fokun niuokus. Iei mine Jesus a tötä won ewe wa o feila.

Lukas 8:37 Iomraidhean Croise

1. King 17:18

Iwe, neminewe a üreni Elias, “En aramasen Kot, pwota ka föri iei usun ngeniei? Ka feito pwe kopwe achema ngeni Kot ai kewe tipis pwe nei we ät a mäla.”

Mateus 8:34

Iei mine chon ewe telinimw meinisin ra feila pwe repwe churi Jesus. Iwe, lupwen ra küna, ra tüngormau ngeni an epwe feila seni fanüer we.

Markus 5:17

Iei mine chon ewe fanü ra tüngor ngeni Jesus epwe towu seni fanüer.

Lukas 10:16

Iwe, Jesus a üreni nöün kewe chon kaiö, “Iö a aüselingakemi a aüselingaei, nge iö a aliwinikemi, a aliwiniei, nge iö a aliwiniei a aliwini ewe mi tiniei.”

Lukas 5:8

Lupwen Simon Petrus a küna mine a fis, a fotopwäsuketiu mwen Jesus o üreni, “Kopwe feila seniei ai Samol, pun ngang eman chon tipis.”

Lukas 8:28

Iwe, lupwen a küna Jesus, a puchörütä, a aturala le pwül arun pechen Jesus o a leüömong le apasa, “Jesus Nöün Kot, ewe mi Unusen Tekia, met ka mochen föri ngeniei? Üa tüngor ngonuk, pwe kosap ariaföüüei.”

Lukas 8:36

Iwe, chokewe mi küna ei manaman ra apworausa ngeni ekewe aramas usun än Jesus angasa ewe mwän.

Lukas 8:38

Iwe, ewe mwän ekewe anün rochopwak ra towu seni a tüngor ngeni Jesus, “Kose mochen üpwe etuk.” Nge Jesus a tinala o üreni,

Lukas 9:5

Nge lon meni telinimw resap etiwakemi lon, oupwe towu seni o wichikala pwülün fän pechemi, pwe epwe eu minen pwärätä ngeniir pwe ra mwäl.”

Lukas 9:56

Mürin Jesus me nöün kewe chon kaiö ra feila lon pwal eu sopw.

Föför 16:39

Iei mine ekewe samollap ra feila o amusamus ngeni Paulus me Silas. Mürin ra emweniirewu seni ewe imwen fötek o tüngor ngeniir pwe repwe feila seni ewe telinimw.

Tuteronomi 5:25

Nge pwota kich sipwe mäla iei? Pun ei ekkei mi watte epwe arosakichela. Are kich sipwe rongsefäl mwelien ewe Samol mi Lapalap ach we Kot, sipwe fokun mäla.

1. Samuel 6:20

Mürin, ekewe re Pet-semes ra üra, “Iö a tongeni ütä fän mesen ewe Samol mi Lapalap, ewe Kot mi pin? Iö sipwe tinala ren ei pworofel, pwe Kot epwe toau senikich?”