Lukas 8:32 - Chuukese Bible

³² Iwe, a wor epwi pwiin pik ra mongöfeil won ekewe chukutekison mi arap ngeni ewe leni. Iei mine ekewe anün rochopwak ra tüngor ngeni Jesus pwe epwe mwüt ngeniir pwe repwe tolong lon ekewe pik. Iwe, Jesus a mwüt ngeniir.

Lukas 8:32 Iomraidhean Croise

1. King 22:22

Ewe Samol mi Lapalap a aisini, ‘Ren met?’ Ewe ngün a pälüeni, ‘Üpwe feila o föri pwe nöün kewe soufos meinisin repwe eäni kapas chofana.’ Iwe, Kot a üra, ‘En kopwe atupu Ahap, nge om angang epwe fisiöch. Kopwe feila o föri iei usun.’

Hiop 1:10

Ifa usun, kosap tiela inisin me chon leimwan, pwal meinisin mine a eäni seni feiengau? Ka afeiöchü angangen pöün pwe nöün pwiin sip me kow ra chomongola won ewe fanü.

Hiop 1:12

Iwe, ewe Samol mi Lapalap a üreni Satan, “Ina, meinisin mine Hiop a eäni epwe nom fän nemenemom, chilon chök kosap atapa inisin.” Mürin Satan a feila seni fän mesen ewe Samol mi Lapalap.

Hiop 2:6

Iwe, ewe Samol mi Lapalap a üreni Satan, “Ina, Hiop epwe nom fän nemenemom, chilon chök manauan.”

Kölfel 62:11

Eu mettoch Kot a kapas usun. Ruu mettoch üa rongorong usun, pwe en Kot echök ka manaman.

Aisea 65:4

Lepwin ra mot lein peias o feila ngeni leni mi monomon pwe repwe ais ngeni ngünün ekewe somä, ra pwal ochei fituken pik o ünümi setin man mi anioput me rei.

Aisea 66:3

Nge eman mi niela eman kow fän iten asor, nge esap föri letipei, a usun chök eman mi niela eman aramas. Eman mi eäni asor eman sip a usun chök eman mi niela eman kolak. Iwe, eman mi uwato asoren mongö a usun chök eman mi eäni asor chan pik, nge eman mi keni apach mi pwokus a usun chök eman mi fel ngeni uluulun anümwäl. Iwe, ekana sokun aramas ra chök püsin filätä letiper, nge leluker a pwapwaiti ar föför mi anioput.

Lifitikos 11:7

Nge pik epwe pwal limengau ngenikemi, pun a keang kün pachapachan, nge esap lülüsefäli anan.

Mateus 7:6

Ousap ngeni ekewe kolak mine a pin, pun repwe chök kul o kükemi. Ousap mone ngeni ekewe pik ämi kewe föün pwei mi aüchea, pun repwe chök puriretiu fän pecher.

Lukas 8:31

Iwe, ekewe anün rochopwak ra tüngor ngeni Jesus, pwe esap asürela lon ewe leni mi fokun alolol.

Lukas 8:33

Mürin ekewe anün rochopwak ra towu seni ewe mwän o tolong lon ekewe pik. Iwe, ekewe pwiin pik ra sätiu lepokun ewe achau o turulong lon ewe noom, pwe ra mop meinisin.

Johannes 19:11

Jesus a pölüeni, “A chök wor om pwüüng woi pokiten Kot a ngonuk. Iei mine ätewe mi atolongaei lepoumw a kon watte an tipis lap seni om.”

1. Johannes 4:4

Nge ämi nei kana, oua nöün Kot, oua akufu ekewe soufos chofona, pun ewe Ngün mi nom lomi a manaman seni ewe ngün mi nom lon chokewe ra pop seni fanüfan.

Pwärätä 20:7

Iwe, wesin ekewe engeröü ier, Satan epwe musala seni an fötek.