Lukas 8:28 - Chuukese Bible

²⁸ Iwe, lupwen a küna Jesus, a puchörütä, a aturala le pwül arun pechen Jesus o a leüömong le apasa, “Jesus Nöün Kot, ewe mi Unusen Tekia, met ka mochen föri ngeniei? Üa tüngor ngonuk, pwe kosap ariaföüüei.”

Lukas 8:28 Iomraidhean Croise

Aisea 27:1

Lon ena fansoun ewe Samol mi Lapalap epwe apwüngü Lefiatan ewe serepenit mi süla, epwe apwüngü Lefiatan ewe serepenit mi tö rikirik ren nöün ketilas mi ken me pöchökül me manaman. Iwe, epwe pwal niela ewe trakon a nom leset.

Mateus 8:29

Lon ewe chök otun ra puchörütä, “En Nöün Kot, met ka mochen föri ngenikem? Ifa usun, ka feito pwe kopwe ariaföüükem mwen ewe fansoun apwüng?”

Lukas 8:27

Lupwen Jesus a tiwelong wilifanü, eman mwän seni ewe telinimw mi wor anün rochopwak won a churi. Fansoun langatam ei mwän esap üföüf och, esap pwal nonom lon imw, nge a chök nonom lein ekewe peias.

Lukas 8:29

A nöünöü ei ititin fos, pun Jesus a fen allük ngeni ewe anün rochopwak, pwe epwe towu seni. Fan chomong ewe anün rochopwak a tötä won. Inamwo ika ra kalapusei o föti pöün me pechen ngeni selimächä, nge a chök mwütifeseni ewe selimächä. Iwe, ewe anün rochopwak a cheela lon ewe fanüapö.

James 2:19

Ifa usun, ka lükü pwe mi wor eman chök Kot? A öch om lükü. Ekewe anün rochopwak ra pwal lükü, nge ra chechech ren niuokus.

2. Petrus 2:4

Pun Kot esap achika ekewe chon läng mi tipis, nge a atururelong lon hell, ewe ia ra fötek ie lon rochokichin rochopwak o witiwiti ewe Ränin Kapwüng.

1. Johannes 3:8

Are eman a sopwela le föri tipis, i nöün Tefil, pun Tefil a tipis seni lepoputan. Iei popun pwe Nöün Kot a war an epwe atala än Tefil angang.

Pwärätä 20:10

Mürin ewe Tefil mi atupur a koturulong lon ewe nomun ekkei me primston ia ewe manmwacho me ewe soufos chofona ra fen koturula ie. Iwe, repwe küna riaföü lerän me lepwin tori feilfeilachök.