Lukas 8:27 - Chuukese Bible

²⁷ Lupwen Jesus a tiwelong wilifanü, eman mwän seni ewe telinimw mi wor anün rochopwak won a churi. Fansoun langatam ei mwän esap üföüf och, esap pwal nonom lon imw, nge a chök nonom lein ekewe peias.

Lukas 8:27 Iomraidhean Croise

Aisea 65:4

Lepwin ra mot lein peias o feila ngeni leni mi monomon pwe repwe ais ngeni ngünün ekewe somä, ra pwal ochei fituken pik o ünümi setin man mi anioput me rei.

Numperis 19:16

Iwe, iö a atapa eman somä mi mäla ren ketilas, ika eman somä mi chök püsin mäla me lemäl, ika chün eman somä, ika eu peias, epwe nom lon tettelin chon limengau lon ükükün fisu rän.

Mateus 4:24

Iwe, pworausen Jesus a chöfetal lon unusen ewe fanü Siria, pwe ekewe aramas ra uwato ren ekewe chon samau meinisin, chokewe mi üriir sokopaten samau o metek, aramas mi waan anü, mään kawakau me aramas mi mwök. Iwe, Jesus a apöchöküleretä meinisin.

Markus 5:15

Lupwen ra feito ren Jesus, ra küna ewe mwän a wor eu mwichemongun ngününgau won me mwan. A mot ikenan a üföüf o miritila. Iwe, ra niuokus.

Lukas 8:26

Iwe, Jesus me nöün kewe chon kaiö ra seresila tori ewe fanü Kerasa mi nom epek ewe nomun Kalilea.

Lukas 8:28

Iwe, lupwen a küna Jesus, a puchörütä, a aturala le pwül arun pechen Jesus o a leüömong le apasa, “Jesus Nöün Kot, ewe mi Unusen Tekia, met ka mochen föri ngeniei? Üa tüngor ngonuk, pwe kosap ariaföüüei.”

1. Samuel 19:24

Iwe, Saul a pwal pwilitala üfan, a pwal osuni me fän mesen Samuel o kon fän üfan üföüfen lon lon unusen ewe rän me lon unusen ewe pwin. Iei mine a fis ewe kapas, “Ifa usun, Saul a pwal eman lein ekewe soufos?”