Lukas 8:2 - Chuukese Bible

² pwal ekoch fefin mi ngasala seni ekewe ngününgau mi nom wor o ra pöchökül seni ar kewe samau. Ikkei iter: Maria mi pwal iteni Maktalene, iei i neminewe füman ngününgau ra towu seni,

Lukas 8:2 Iomraidhean Croise

Mateus 4:24

Iwe, pworausen Jesus a chöfetal lon unusen ewe fanü Siria, pwe ekewe aramas ra uwato ren ekewe chon samau meinisin, chokewe mi üriir sokopaten samau o metek, aramas mi waan anü, mään kawakau me aramas mi mwök. Iwe, Jesus a apöchöküleretä meinisin.

Markus 16:1

Wesin ewe ränin sapat Maria Maktalene, Maria inen James me Salome ra kamö lö pwokus, pwe repwe feila o epiti somän Jesus we.

Markus 16:9

[Mürin än Jesus manausefäl, lesosorusichin aeuin ränin wiik, a akomwen pwä ngeni Maria Maktalene, i neminewe Jesus a atowu ekewe füman anün rochopwak seni.

Lukas 23:27

Eu mwichen aramas mi chomong ra tapwela mürin. Iwe, a wor ekoch fefin me leir mi ngüngüres o kechüeiti Jesus.

Lukas 23:49

Nge chokewe meinisin mi sisile Jesus me ekewe fefin mi tapwela mürin Jesus seni Kalilea ra ütä ekis toau ar repwe küna mine a fis.

Lukas 23:55

Iwe, ekewe fefin mi tapwela mürin Jesus seni Kalilea ra eti Josef le feila o nengeni ewe peias, ra pwal nengeni usun ar akona somän Jesus me lon.

Lukas 8:30

Jesus a aisini, “Ifa itom?” Ewe mwän a pölüeni, “Itei mwichemong,” pun chomong anün rochopwak ra nom won.

Johannes 19:25

Nge ünükün ewe iräpengesin Jesus ra ütä inan we, pwiin inan we, Maria pwülüen Klopas me Maria Maktalene.

Föför 1:14

Ir meinisin ra tipeeu le chufengen o ikiotek fiti ekoch fefin me Maria inen Jesus me pwiin kewe.