Lukas 8:18 - Chuukese Bible

¹⁸ Iei mine oupwe föröchü usun ämi aüseling. Pun iö a wor an, Kot epwe achomongala, nge iö esap wor an, Kot epwe mwo nge angei seni ewe ekis a ekieki a nom ren.”

Lukas 8:18 Iomraidhean Croise

Än Salomon Fos 14:12

Eman aramas a tongeni ekieki pwe ewe al a fetal won a pwüng, nge lesopolan ewe al a ale ngeni mäla.

Mateus 13:12

Pun iön a wor an, Kot epwe apacha och ngeni an we pwe epwe somwola. Nge iön esap wor an, Kot epwe angei seni mwo nge ewe ekis a wor ren.

Mateus 25:29

Pun iön a wor an, Kot epwe apacha och ngeni an we, pwe epwe somwola. Nge iön esap wor an, Kot epwe fen mwo nge angei seni ewe ekis a wor ren.

Markus 13:14

“Ämi oupwe küna ewe ‘Mettoch mi Eniweniw’ a nom lon ewe leni ia esap ürürün epwe nom ie. (Ewe chon aleani epwe fokun weweiti met wewen ei!) Mürin chokewe mi nom lon Jutea repwe sütä won ekewe chuk.

Lukas 19:26

A pölüeniir, ‘Üpwe ürenikemi, pwe iö a eäni an, Kot epwe achomongala, nge iö esap eäni an, Kot epwe fen mwo nge angei seni ewe ekis a wor ren.

Lukas 9:44

“Ousap manlükala met ei üpwe le ürenikemi. Nöün Aramas epwe tolong lepöün aramas.”

Johannes 15:2

Epwe pöküela ekewe palan meinisin mi nonom loi resap ua, nge ekewe palan meinisin mi ua, epwe limetiir, pwe epwe chomongola uar.

Föför 10:33

Iei mine üa müttir titi en, nge a mürina pwe ka feito. Iei äm meinisin aia nonom mwen mesen Kot, pwe aipwe aüseling ngeni meinisin mine ewe Samol a allük ngonuk pwe kopwe aiti ngenikem.”

Föför 17:11

Iwe, ekewe aramasen Perea ra tipemecheres seni ekewe aramasen Tesalonika, pun ra etiwa ewe afalafal fän mochenin letiper. Iteiten rän ra kaiö lon ekewe Toropwe mi Pin o kütta are met Paulus a apasa a wesewesen pwüng.

Nöün Paulus Toropwe ngeni ekewe Souläng lon Rom 12:3

Iwe, pokiten än Kot lifangen ümöümöch ngeniei, üpwe ürenikemi meinisin: Ousap ekiekin tipetekia seni mine a fichitikemi, nge oupwe tipetekison lon ämi ekiek o püsin apwüngükemi ngeni ewe aükükün lükülük Kot a ngenikemi.

1. Korint 14:37

Are eman a ekieki pwe i eman nöün Kot chon afalafal, ika a wor ren eu lifang seni Ngünmifel, epwe mefi pwe mine üa mak ngenikemi, iei än Kot allük.

1. Korint 3:18

Ousap püsin atupukemi. Are eman leimi a ekieki pwe a tipachem ren tipachemen ei fanüfan, i epwe wiliti eman aramas mi umwes fän iten an epwe wesewesen eman aramas mi tipachem.

1. Korint 8:2

Iö aramas a ekieki pwe a wor an silei lon ekoch mettoch, ätei esap mwo wor wesewesen ürürün met epwe silei.

Filipi 3:4

Ewer, ngang üa tongeni anomu ai apilükülük won ena sokun lapalap. Are eman a ekieki pwe mi wor popun an epwe tongeni anomu an apilükülük won ei sokun lapalap, ngang won inisi a fen wor rei ekoch popun mi watte:

Ipru 2:1

Iei mine sipwe fokun kamwöchünük won ekewe kapas mi let sia fen rongorong, pwe sisap tokola seni.