Lukas 8:12 - Chuukese Bible

¹² Ekewe pwükil mi mworotiu lepekin al ra wewe ngeni chokewe mi rong kapasen Kot, nge Satan a feito o angei ewe kapas seni lon leluker, pwe resap lükü o eäni manau.

Lukas 8:12 Iomraidhean Croise

Än Salomon Fos 1:29

Pokiten oua oput silelap, nge ousap mochen aleasochisi ewe Samol mi Lapalap,

Än Salomon Fos 4:5

Kopwe kütta tipachem me silelap. Kosap manlükala ai kewe kapas, kosap pwal tok seniir.

Aisea 65:11

Nge ämi oua pöütieila, ousap pwal chüen ekieki chuki mi pin. Iei oua soun asor mongö ngeni ewe kot a iteni ‘Feiöch’, oua pwal alolöü ngeni wain ewe kapen asor än ewe kot itan ‘Akota mine epwap fis me mürin.’

Mateus 13:19

Chokewe mi rongorong ewe kapas usun Mwün Kot, nge resap weweiti, ra usun chök ekewe pwükil mi mworotiu lepekin al. Ewe Eman mi Ngau a feito o angei seniir mine a mworotiu lon leluker.

Mateus 13:4

Nge lupwen a amworafeili ekewe pwükil, ekoch föün ra mworotiu lepekin al. Iwe, ekewe mansüsü ra feito o eniir.

Markus 4:15

Ekoch aramas ra wewe ngeni ekewe pwükil ra mworotiu lepekin al. Lupwen ra rongorong kapasen Kot, Satan a müttir feito o angei seni lon leluker ewe kapas.

Lukas 8:11

“Iei wewen ewe pworausen awewe: Ewe pwükil ina ewe kapasen Kot.

Lukas 8:13

Ekewe pwükil mi mworotiu lon lenien föüföü ra wewe ngeni chokewe mi rongorong kapasen Kot o etiwa fän pwapwa. Nge pokiten ewe kapas esap tongeni warar lor, ra chök lükü lon fansoun mochomoch. Nge lupwen fansoun sosot a toriir, ra müttir kuf.

Lukas 8:5

“Eman mwän a feila pwe epwe amworafeili fotan pwükil. Iwe, lupwen a amworafeili ekewe pwükil, ekoch föün ra mworotiu lepekin al, ia aramas ra puriretiu ie, nge ekewe machang ra äni.

Pwärätä 12:9

Ewe trakon mi watte a koturuwu lükün, ewe serepenitin lom mi iteni Tefil are Satan, a atupu unusen chon fanüfan. A koturutiu won fanüfan, i me nöün kewe chon läng.