Lukas 8:10 - Chuukese Bible

¹⁰ Jesus a pölüeni, “Kot a fen mwüt ngenikemi pwe oupwe silei ewe pworaus usun ekewe monomonen Mwün Kot, nge ren ekewe ekoch aramas a toriir lon pworausen awewe, pun repwe nenengeni, nge resap küna och, repwe pwal rongorong, nge resap wewe ren.

Lukas 8:10 Iomraidhean Croise

Kölfel 25:14

Ewe Samol mi Lapalap a chiechifengen me chokewe mi niuokusiti i. A asile ngeniir an we pwon.

Aisea 29:14

Iei mine üpwe förisefäli mettoch mi amwarar o amairü lein ekei aramas. Iwe, nöür kewe soutipachem repwe umwesila, nge ekiekin nöür kewe souekiek epwe lomotongau.”

Aisea 44:18

Iwe, ekei aramas resap silei och, resap pwal wewe ren, pun Kot a achuna meser pwe resap tongeni küna, a pwal apüngü letiper pwe resap tongeni wewe.

Aisea 6:9

Iwe, Kot a üreniei, “Kopwe feila o aronga ngeni ekei aramas, ‘Oupwe aü selingemi o rongorong, nge ousap wewe ren. Oupwe nenengeni, nge ousap küna och.’

Jeremaia 5:21

Oupwe rongorong ekei kapas, ämi aramas mi umwes o miritingau. A wor mesemi, nge ousap küna. A wor selingemi, nge ousap rongorong.

Isikiel 12:2

“Nöün aramas, ka nonom lein eu täppin aramas mi lükümach o ü ngeniei. A wor meser pwe repwe küna, nge resap künökün, a pwal wor selinger pwe repwe rongorong, nge resap rongorong, pun ir eu täppin aramas mi lükümach o ü ngeniei.

Mateus 11:25

Iwe, lon ena fansoun Jesus a apasa, “Semei, en Samolun läng me fanüfan, üa kilisou ngonuk, pun ka amonomona ekei mettoch seni ekewe mi tipachem me silelap, nge ka pwärala ngeni ekewe tipate.

Mateus 16:17

Jesus a pölüeni, “Ka feiöch, Simon nöün Sona. Pun ei kapas mi let esap aitien eman aramas ngonuk, nge Semei lon läng a amefi ngonuk.

Markus 4:11

Iwe, Jesus a üreniir, “Kot a fen ngenikemi ewe tufich ämi oupwe silei usun monomonen ewe Mwün Kot. Nge chokewe mi nom lükün repwe rong meinisin lon pworausen awewe.

Markus 4:12

‘Iei usun repwe nenengeni me nenengeni, nge resap küna och, repwe rongorong me rongorong, nge resap wewe ren. Pun are repwe wewe ren, repwe kul ngeni Kot, nge i epwe amuserela.’”

Johannes 12:40

“Kot a achunala meser o aföüala letiper, pwe resap tongeni künakün ren meser ika wewe ren letiper, ika kul ngeniei, pwe üpwe apöchöküleretä.”

Nöün Paulus Toropwe ngeni ekewe Souläng lon Rom 16:25

Ousipwe mwareiti Kot! I a tongeni anükücharakemi lon ämi lükülük ren ewe Pworausen Manau üa afalafala, ewe pworaus usun Jesus Kraist, pwal ren pwälan ewe monomon mi let a monomonola me lom lon chomong, chomong fansoun.

1. Korint 12:11

Nge ewe eman chök Ngün a föri ekei mettoch meinisin, a ngeni eman me eman aramas ekewe sokopaten lifang usun an mochen.

Tuteronomi 29:4

Nge tori ikenai ewe Samol mi Lapalap esap ngenikemi ekiek mi mirit, mas mi nenela me seling mi rongorong.

Kolose 2:2

Popun ai föri ei, pwe letiper epwe pöchökületä, repwe pwal tipeeufengen lon chen, pwe repwe mefi unusen aüchean ar weweöchiti o silei ewe monomonen Kot, iei i Kraist.

1. Timoty 3:16

Kich sia pwärätä pwe a fokun lapalap monomonen ach lükülük: I a pwäla lon fituk, a pwä pwe a pwüng me ren Ngünmifel, chon läng kana ra küna i, chon fanüfan ra rongorong pworausan, won fanüfan mi wor chon lükü itan, Kot a angeatä lon lingan.