Lukas 7:9 - Chuukese Bible

⁹ Iwe, lupwen Jesus a rongorong ekei kapas, a mairü ren. A sap ngeni ewe mwichen aramas mi tapweto mürin o üreniir, “Üa ürenikemi, üsamwo fen küna ei sokun lükülük lon Israel.”

Lukas 7:9 Iomraidhean Croise

Mateus 15:28

Mürin Jesus a üreni neminewe, “En eman fefin mi watte om lükülük! Epwe fis ngonuk mine ka mochen.” Iwe, lon ewe chök otun nöün we nengin a pöchökületä.

Mateus 8:10

Iwe, lupwen Jesus a rongorong ekei kapas, a mairü ren o üreni ekewe aramas mi tapwela mürin, “Enlet, üa ürenikemi, üsap fokun küna eman lon Israel a eäni ei sokun lükülük.

Mateus 9:33

Lon ewe chök otun Jesus a atowu ewe anün rochopwak seni ewe mwän, ei mwän a popuetä le kapas. Iwe, ekewe aramas meinisin ra mairü o apasa, “Ousisamwo küna och usun ei lon Israel.”

Lukas 7:10

Iwe, lupwen ekewe chon künö ra liwinsefälila lon imwen ewe meilapen sounfiu, ra küna pwe ewe chon angang a fen pöchökületä.

Lukas 7:50

Nge Jesus a üreni ewe fefin, “Om lükülük a amanauok. Kopwe feila fän kinamwe.”

Lukas 7:8

Pun ngang eman mi pwal nom fan nemenien ekewe meilap seniei, nge mi pwal wor sounfiu ra nom fän nemeniei. Üa üreni eman, ‘Kopwe feila,’ iwe, a feila. Üa pwal üreni eman, ‘Kopwe feito,’ iwe, a feito. Üa üreni nei amanau, ‘Kopwe föri ien me ien,’ iwe, a föri.”