Lukas 7:7 - Chuukese Bible

⁷ ina mine ngang üse fen mwo ekiekin püsin feila reöm. Nge kopwe chök apasa och kapas, iwe, nei chon angang epwe pöchökületä.

Lukas 7:7 Iomraidhean Croise

Kölfel 107:20

A tinala an kapas o apöchöküleer, a amanaueer seni mäla.

Kölfel 33:9

Pun mine a apasa a fisitä, nge mine a allük a pwönüetä.

Ekistos 15:26

o apasa, “Are oupwe likiitü le aüselinga mweliei ngang ewe Samol mi Lapalap ämi we Kot o föri mine a pwüng me fän mesei, are oupwe aleasochis ngeni ai kewe allük o apwönüetä ai kewe pwüüng meinisin, üsap uwato womi eu lein ekewe samau üa uwato won chon Isip, pun ngang ewe Samol mi Lapalap ämi sousafei.”

Markus 1:27

Iwe, ekewe aramas meinisin ra mairü o ra popuetä kapasfengen lefiler, “Mwa met ei? Ifa usun, och minefön afalafal ei? Ei mwän a wor an pwüüng pwe lupwen a allük ngeni ekewe ngününgau ra aleasochis ngeni.”

Lukas 4:36

Iwe, ekewe aramas meinisin ra mairü o kapasfengen lefiler, “Met sokun kapas kei a eäni? Ren manaman me pöchökül ei mwän a allük ngeni ekewe ngününgau, iwe, ra towu.”

Lukas 5:13

Iwe, Jesus a aitiela pöün, a atapa inisin ewe mwän o apasa, “Ngang üa mochen, kopwe limöch.” Lon ewe chök otun ewe rupun pwötür a mola me won inisin ewe mwän.

Lukas 7:6

Iei mine Jesus a etiirela. Nge lupwen a arap ngeni ewe imw, ewe meilapen sounfiu a tinala chienan kewe ren Jesus pwe repwe üreni, “Ai samol, kosap osukosukok. Pun ngang üsap eman aramas mi aüchea ngeni om kopwe feito lon imwei,

Lukas 7:8

Pun ngang eman mi pwal nom fan nemenien ekewe meilap seniei, nge mi pwal wor sounfiu ra nom fän nemeniei. Üa üreni eman, ‘Kopwe feila,’ iwe, a feila. Üa pwal üreni eman, ‘Kopwe feito,’ iwe, a feito. Üa üreni nei amanau, ‘Kopwe föri ien me ien,’ iwe, a föri.”

Tuteronomi 32:39

Iei oupwe mefi pwe fokun ngang chök ewe Kot, esap wor eman kot ünüki. Ngang üa niela, üa pwal amanaua, üa akinasa, üa pwal amoela. Esap wor eman a tongeni ettiwu me lepei.

1. Samuel 2:6

Ewe Samol mi Lapalap a niela aramas, a pwal amanaueer, a atolonga aramas lon lenien sotup, a pwal amanaueretä.