Lukas 7:46 - Chuukese Bible

⁴⁶ En kosap epiti mökürei ngeni löpwokus, nge neminei a epiti pechei ngeni löpwokus.

Lukas 7:46 Iomraidhean Croise

2. Samuel 12:20

Mürin, Tafit a pwätä me lepwül, a tütü o epiti, a pwal siwili üfan. Iwe, a tolong lon imwen ewe Samol mi Lapalap o fel ngeni. Mürin a liwinla lon püsin imwan o ais anan mongö. Nge lupwen ra uwato ren, a mongö.

2. Samuel 14:2

Mürin, a titila Tekoa pwe eman fefin mi tipachem epwe feito seni ikenan. Lupwen a war, Joap a üreni, “Kopwe tipin lapalapeni lapalapen eman chon letipeta o üföüf üfen chon letipeta. Kosap epituk noppuk, nge kopwe pwomweni pwomwen eman fefin mi letipeta chomong rän fän iten eman mi mäla.

Kölfel 104:15

Iwe, epwe wor wain pwe aramas repwe ün o pwapwa, epwe wor lö pwe repwe emmisi ngeni won meser, pwal pilawa pwe repwe mongö o pöchökül ren.

Kölfel 23:5

Ka amolätä eu chepelin mongö fän itei me fän mesen ekewe chon oputaei, ka epiti ngeni mökürei lö, ka alölöü ai kap tori a urela.

Än Salomon Afalafal 9:8

Kopwe üföüf üf mi fokun öch fansoun meinisin, kopwe pwal ekepiti mökürom ngeni lö.

Taniel 10:3

Üsap mongö mongö mi anö, üsap fokun ochoch fituk ika ün wain, üsap pwal epitiei tori wesin ekewe ülüngat wik.

Amos 6:6

Oua ün wain lon sepi o epitikemi lö mi fokun pwokus, nge ousap letipeta pwe Israel a tala.

Mika 6:15

Oupwe fofot, nge ousap kinikin. Oupwe üchüch föün olif, nge ousap epitikemi noppukun. Oupwe puri föün irän wain, nge ousap ün wain seni.

Mateus 6:17

Nge lupwen ämi oupwe echikefel, oupwe epiti möküremi o oresi wonmesemi,

Lukas 7:47

Iei mine üa ürenuk, pokiten an kewe tipis mi chomong ra musola, iei popun an echeniei a fokun watte. Nge are än eman amusamusen tipis a kisikis, an eäni chen a pwal kisikis.”

Rut 3:3

Iei mine kopwe tütü o epituk, kopwe pwal üföüf ufom mi mürina. Mürin kopwe feitiu ren ewe lenien wichiwich, nge kosap pwärukela ngeni ewe mwän tori an epwe pwi le mongö o ün.