Lukas 7:44 - Chuukese Bible

⁴⁴ Mürin Jesus a kulu ngeni ewe fefin o üreni Simon, “Ka küna ei fefin? Ngang üa tolong lon imwom, nge kosap ngeniei koluk pwe tötölün pechei. Nge neminei a talü pechei ngeni chönün mesan o talüpwasei ngeni meten möküran.

Lukas 7:44 Iomraidhean Croise

Keneses 18:4

Repwe uwato remi ekis koluk pwe oupwe talü pechemi. Iwe, oupwe asösö fän ewe irä,

Keneses 19:2

o üreniir, “Ai kana samol, ouse mochen oupwe tolong lon imwei ngang nöümi chon angang. Iwe, oupwe talü pechemi o möür rei. Nge lesosorusich oupwe pwätä o sopwela ämi sai.” Nge ir ra pälüeni, “Apwi, äm aipwe chök nonom lükün.”

Keneses 43:24

Nge ewe chon angang a etiwa ekewe mwän lon imwen Josef, a ngeniir koluk pwe repwe talü pecher o amongöü nöür kewe aas.

2. Samuel 11:8

Mürin, Tafit a üreni Uria, “Kopwe feila lon imwom o asösö mwo ekis.” Nge lupwen Uria a towu seni ewe imwen king, Tafit a atapwala mürin eu lifang.

Lukas 7:38

Iwe, a feito lükisökürün Jesus o fotopwäsuketiu arun pechen, a kechü o asupwätiu chönün mesan won pechen Jesus. Mürin a talüpwasei pechen Jesus ren meten möküran, a mitiri pechen o ninätiu ewe lö won.

Lukas 7:43

Simon a pölüeni, “Üa ekieki pwe ewe eman a kon watte an liwinimang a musola.” Iwe, Jesus a üreni, “Mi pwüng mine ka apasa.”

Johannes 13:5

Mürin a ninalong och koluk lon eu waspesen o a popuetä le talü pechen nöün kewe chon kaiö, a pwal talüpwasei pecher ngeni ewe taul a ri ngeni lukalapan.

1. Timoty 5:10

a pwal sil me ren aramas ren an föför mürina, a foleniöchü nöün kana, a etiwaöchü wasöla lon imwan, a talü pechen ekewe chon pin, a alisi aramas mi nom lon osupwang o fokun achocho le föri föför mürina fansoun meinisin.

James 2:6

Nge ämi oua asäwa ekewe mi wöüngau. Ifa usun, esap ekewe chon pisekisek ir ekewe mi ariaföüükemi o atekinikemiila mwen ekewe soukapwüng?

Soukapwüng 19:21

Iei mine a emwenirela lon imwan, a pwal amongöü nöür kewe aas. Nge ir ra talü pecher, ra mongö o ün.

1. Samuel 25:41

Iwe, Apikael a chapetiu lepwül o apasa, “Ngang nöün chon angang fefin üa molotä pwe üpwe angang ngeni o talü pechen nöün ai samol kewe chon angang.”