Lukas 7:38 - Chuukese Bible

³⁸ Iwe, a feito lükisökürün Jesus o fotopwäsuketiu arun pechen, a kechü o asupwätiu chönün mesan won pechen Jesus. Mürin a talüpwasei pechen Jesus ren meten möküran, a mitiri pechen o ninätiu ewe lö won.

Lukas 7:38 Iomraidhean Croise

Keneses 18:4

Repwe uwato remi ekis koluk pwe oupwe talü pechemi. Iwe, oupwe asösö fän ewe irä,

Esra 10:1

Iwe, lupwen Esra a iotek o pwärätä ekewe tipis, lupwen a kechü o chapala won pwül me mwen ewe imwen Kot, eu mwichemongun mwän, fefin me semirit seni Israel ra mwicheto ren. Ir meinisin ra seningüngü le kechü.

Kölfel 38:18

Üa pwärätä ai kewe föför mi ngau, üa pwal lolilen ren ai tipis.

Kölfel 51:17

Ai Kot, üa asor ngonuk eu letip mi tipetekison, eu leluk mi tipetekison o liamam, en kosap oput.

Än Salomon Afalafal 9:8

Kopwe üföüf üf mi fokun öch fansoun meinisin, kopwe pwal ekepiti mökürom ngeni lö.

Än Salomon Köl 1:3

Epitom lö a fokun pwokus. Itom a wewe ngeni lö mi niiniila. Iei mine ekewe föpwül ra tongeek.

Aisea 57:9

Iwe, oua sai pwe oupwe uwala noppuk ren Molok, oua pwal achomonga epitemi lö mi pwokus, oua tinala toau nöümi chon künö tori mwo nge lon lenien sotup, pwe repwe kütta ämi kot oupwe tongeni fel ngeniir.

Aisea 61:3

Üpwe ngeni chokewe mi letipeta lon Sion epa mwärämwär siwilin falangen won mökürer, pwapwa siwilin kechü, pwal kölün mwareiti siwilin letipeta. Iwe, repwe wewe ngeni irä ewe Samol mi Lapalap a püsin fotuki, repwe föri mine a pwüng pwe Kot epwe küna ling ren.

Jeremaia 31:9

Repwe feito fän kechü, repwe iotek lupwen üpwe aliwinireto. Üpwe emwenirela ünükün chanpupu, repwe fetal won efoch al mi wenechar, ia resap chepetek me ie. Pun üa eman sam ngeni Israel, nge Efraim nei mwänichi.”

Sowel 2:12

Iwe, ewe Samol mi Lapalap a apasa, “Iei otun oupwe kul ngeniei seni unusen letipemi fän echikefel, fän kechü me ngüngüres.

Sekaraia 12:10

Üpwe tinato won ekewe mwirimwirin Tafit me chon Jerusalem eman ngün mi amefi ngeni aramas usun ewe ümöümöchün Kot me eman ngün mi atufichiir lon ar iotek. Iwe, repwe nenengeni ätewe ra posu o ngüngüres won, usun eman a ngüngüres won nöün aleman, repwe kechüengau won, usun eman a kechüengau won nöün mwänichi.

Mateus 5:4

Ra feiöch chon kechü leluker, pun Kot epwe echipeer.

Lukas 22:62

Iwe, Petrus a feila lükün o a fokun kechü.

Lukas 6:21

Oua feiöch ämi mi echik lon ei fansoun, pun oupwe mötüla. Oua feiöch ämi mi kechü lon ei fansoun, pun oupwe fokun pwapwa.

Lukas 7:37

Lon ei telinimw a wor eman fefin mi tipis, a rong pwe Jesus a mongö lon imwen ewe Farisi. Neminei a uwei eu lö lon eu rume seni ewe fau itan alapaster.

Lukas 7:39

Lupwen ewe Farisi mi köri Jesus pwe epwe mongö ren a küna ei, a ekieki lon lelukan, “Are ei mwän wesewesen eman soufos, epwe silei iön ewe fefin a atapa. Epwe silei pwe i eman fefin mi tipis.”

Johannes 11:2

Ei fefin Maria fefinen Lasarus, ätewe mi samau. Iei i neminewe a epiti pechen Jesus ren löpwokus o talüpwasei ren meten möküran.

James 4:9

Oupwe letipeta, oupwe kechü o ngüngüres. Oupwe siwili ämi takir ngeni kechü, pwal ämi pwapwa ngeni lolilen!