Lukas 7:34 - Chuukese Bible

³⁴ Nöün Aramas a feito, a mongö o ün, nge ämi oua apasa, ‘Ou nengeni ei mwän! I eman mi mongömong o ünümong, eman mi chiechi ngeni ekewe chon ioni takises me chon tipis.’

Lukas 7:34 Iomraidhean Croise

Mateus 11:19

Nge lupwen Nöün Aramas a feito, a mongö o ün, nge aramas ra apasa, ‘Ou nengeni ei mwän! I eman mi mongömong me ünümong, eman mi chiechi ngeni ekewe chon ioni takises me chon tipis.’ Än Kot tipachem a pwäla pwe a let ren an kewe föför.”

Mateus 5:46

Are oua chök echeni chokewe mi echenikemi, esap wor och liwin oupwe angei. Pwal mwo nge ekewe chon ioni takises ra föri ei sokun.

Mateus 9:11

Lupwen ekewe Farisi ra küna ei, ra üreni nöün kewe chon kaiö, “Pwota nöümi we sense a mongöfengen me ekewe chon ioni takises me chon tipis?”

Lukas 11:37

Iwe, lupwen Jesus a wes le kapas, eman Farisi a köri pwe epwe mongö ren. Iei mine Jesus a feila lon imwan o a mot ngeni mongö.

Lukas 14:1

Iwe, lon eu ränin sapat Jesus a feila pwe epwe mongö lon imwen eman souemwenin ekewe Farisi. Iwe, ekewe aramas ra chök opoperi.

Lukas 15:2

ekewe Farisi me Sensen Allük ra popuetä le ngününgünü o üra, “Ei mwän a etiwa chon tipis, a pwal mwo nge etiir le mongö.”

Lukas 19:7

Lupwen ekewe aramas meinisin ra küna mine a fis, ra ngününgünfengen lefiler, “Ei mwän a wasöla ren eman chon tipis.”

Lukas 5:29

Mürin Lefi a föri eu watten kametip lon imwan fän iten Jesus. Iwe, chomong chon ioni takises me pwal ekoch aramas ra nom lein ekewe chon kökköto.

Lukas 7:33

Johannes Soupapatais a feito, a echikefel, esap pwal ün wain, nge ämi oua apasa, ‘Mi wor eman anün rochopwak won.’

Lukas 7:35

Än Kot tipachem a pwäla pwe a let ren chokewe mi etiwa.”

Lukas 7:36

Iwe, eman lein ekewe Farisi a tüngor ngeni Jesus pwe epwe eti le mongö. Iwe, Jesus a feila lon imwan o a mottiu pwe epwe mongö.

Johannes 12:2

Iwe, ra amolätä eu mongön lekuniol fän itan Jesus ikenan, nge Marta a alilis le amolätä. Lasarus pwal eman me lein ätekewe mi mot ngeni chepel fiti Jesus.

Johannes 2:2

Pwal Jesus me nöün kewe chon kaiö ra kö pwe repwe eti ewe apwüpwülü.