Lukas 7:16 - Chuukese Bible

¹⁶ Iwe, aramas meinisin ra uren niuokus, ra mwareiti Kot o apasa, “Eman soufos mi lap a pwä lefilach. Kot a feito pwe epwe amanaua nöün aramas.”

Lukas 7:16 Iomraidhean Croise

Kölfel 65:9

Ka tümwünü fanüfan o achöchönü, ka föri pwe a pwülüöch o fanüeräs. Ka aurala ekewe chanpupu ren koluk. Ka ngeni chon fanüfan ener mongö. Iei usun mine ka föri ngeni fanüfan:

Ekistos 4:31

Iwe, ra lükü. Nge lupwen ra rong pwe ewe Samol mi Lapalap a äämwa ekewe aramasen Israel o küna ar riaföü, ra chapetiu o fel ngeni Kot.

Jeremaia 33:9

Iwe, ei telinimw epwe afisätä ai pwapwa, ai iteüöch me än aramas mwareitiei. Chon ekewe mwü meinisin won fanüfan repwe niuokus o chechech, lupwen repwe rongorong usun ekewe feiöch meinisin üpwe awarato won ekewe chon Jerusalem, pwal usun ekewe wöü meinisin üpwe atoto won ei telinimw.”

Mateus 15:31

Iwe, ekewe aramas ra fokun mairü lupwen ra küna pwe ekewe mi awemwöch ra fos, ekewe mi ter ra pöchökülela, ekewe mi pechemä ra fetal, pwal ekewe mi chun ra küna mwer. Iwe, ra mwareiti ewe Koten Israel.

Mateus 21:11

Ekewe aramas ra pölüeni, “Iei i ewe soufos Jesus seni Nasaret lon Kalilea.”

Mateus 28:8

Iei mine ra feila seni ewe peias fän pacheu, ra niuokus, nge ra pwal fokun pwapwa. Ra säla pwe repwe asile ngeni nöün kewe chon kaiö ewe pworaus.

Mateus 9:8

Iwe, lupwen ewe mwichen aramas a küna mine a fis, ra niuokus o mwareiti Kot ren an ngeni aramas ei sokun manaman.

Lukas 1:65

Iwe, chon arun kewe ra uren niuokus, nge pworausen ekei mettoch a chöfetal lon unusen ewe fanü Jutea.

Lukas 1:68

“Ousipwe mwareiti ewe Samol, ewe Koten Israel! Pun a feito pwe epwe alisi nöün aramas o angaseer.

Lukas 19:44

Repwe unusen ataakola o niela ekewe aramas mi nonom lon tittum kewe. Esap wor eföü fau epwe chüen nom lon lenian, pun kosap mefi ewe fansoun lupwen Kot a feito pwe epwe amanauok.”

Lukas 2:20

Iwe, lupwen ekewe chon mas ra liwiniti lenier, ra alinga o mwareiti Kot fän iten ekewe mettoch ra rong o küna, pun a usun chök met ewe chon läng a asile ngeniir.

Lukas 24:19

Jesus a aisiniir, “Ikafan ekewe mettoch?” Iwe, ra pölüeni, “Ekewe mettoch mi fis ngeni Jesus, ewe re Nasaret. Ei mwän eman soufos a wor manamanen an kapas me an föför mwen mesen Kot me aramas meinisin.

Lukas 5:26

Iwe, ir meinisin ra fokun mairü, ra uren niuokus, ra mwareiti Kot o apasa, “Mwa met, amwararen ekei mettoch sa küna ikenai!”

Lukas 5:8

Lupwen Simon Petrus a küna mine a fis, a fotopwäsuketiu mwen Jesus o üreni, “Kopwe feila seniei ai Samol, pun ngang eman chon tipis.”

Lukas 7:15

Iwe, ewe mi mäla a pwätä o popuetä le kapas. Mürin Jesus a ngenisefäli inan.

Lukas 7:39

Lupwen ewe Farisi mi köri Jesus pwe epwe mongö ren a küna ei, a ekieki lon lelukan, “Are ei mwän wesewesen eman soufos, epwe silei iön ewe fefin a atapa. Epwe silei pwe i eman fefin mi tipis.”

Lukas 8:37

Mürin aramasen ewe fanü meinisin ra tüngor ngeni Jesus pwe epwe feila seniir, pun ra fokun niuokus. Iei mine Jesus a tötä won ewe wa o feila.

Lukas 9:19

Ra pölüeni, “Ekoch ra apasa pwe en Johannes Soupapatais, ekoch ra apasa pwe en Elias, nge pwal ekoch ra apasa pwe en eman lein ekewe soufosun lom a manauatä.”

Johannes 1:21

Iwe, ir ra aisini, “Nge iö chök en? En Elias?” Johannes a pölüeni, “Apw, sap ngang Elias” Ra pwal aisini, “En ewe Soufos?” Johannes a pölüeni, “Apw.”

Johannes 1:25

ra aisini Johannes, “Ika sap en Kraist ika Elias ika ewe Soufos, pwota chök ka föri angangen papatais?”

Johannes 4:19

Mürin ewe fefin a üreni, “Ai samol, iei üa silei pwe en eman soufos.

Johannes 6:14

Iwe, lupwen ekewe aramas ra küna ewe manaman Jesus a föri, ra apasa, “Enlet, iei i ewe Soufos epwe feito won fanüfan.”

Johannes 9:17

Iei mine ekewe Farisi ra aisinisefäli ewe mwän, “Met en ka apasa usun i, pun i a aneneloi mesom?” Iwe, ewe mwän a pölüeni, “I eman soufos.”

Föför 5:5

Lon ewe chök otun Ananias a rong ekei kapas, a turula o mäla. Iwe, ir meinisin mi rongorong usun mine a fis ngeni, ra fokun rükö.

Föför 7:37

Moses ätewe mi üreni ekewe aramasen Israel, ‘Kot epwe tinala remi eman soufos usun chök ngang, i epwe eman me lein püsin aramasemi.’

Kalatia 1:24

Iei usun ra mwareiti Kot fänäsengesin met Kot a föri fän itei.

Tuteronomi 18:15

“Iwe, ewe Samol mi Lapalap ämi we Kot epwe awora eman soufos me leimi usun ngang, nge ämi oupwe aleasochisi.