Lukas 7:14 - Chuukese Bible

¹⁴ Iwe, Jesus a feiliti ewe pwor ewe somä a nom lon o atapa, nge ekewe aramas mi eki ewe pwor ra köüla. Iwe, Jesus a apasa, “Nei alüal, üa ürenuk, kopwe pwätä.”

Lukas 7:14 Iomraidhean Croise

1. King 17:21

Mürin, Elias a chapala won inisin ewe ät fän ülüngat o iotek ngeni ewe Samol mi Lapalap, “Ai Kot Samol mi Lapalap, kose mochen amanauasefäli ei ät.”

1. King 17:22

Iwe, ewe Samol mi Lapalap a aüselinga än Elias iotek o amanaua ewe ät, pwe a manausefäl.

Hiop 14:12

iei usun eman aramas a mäla, nge esap chüen pwätäsefäl. Tori ekewe läng repwe morola, esap nennela ika pwök seni an möür.

Hiop 14:14

Are eman aramas a mäla, ifa usun, epwe pwal manausefäl? Lon unusen ränin ai angang üpwe witiwit tori fansoun ai ngasala epwe feito.

Kölfel 33:9

Pun mine a apasa a fisitä, nge mine a allük a pwönüetä.

Aisea 26:19

Nge ir mi mäla senikem repwe manau, inisir epwe manausefäl. Ämi sotup mi möür fän pwül, oupwe nela, oupwe köl fän pwapwa. Usun amurenipwin a amanaua irän fanüfan, iei usun ewe Samol mi Lapalap epwe amanaua chokewe mi mäla me lomlom.

Markus 5:41

Iwe, Jesus a amwöchü pöün ewe nengin o üreni, “Talita koum!” wewen “Kükün nengin, üa ürenuk, kopwe pwätä!”

Lukas 7:13

Lupwen ewe Samol a küna ewe fefin, a fokun tongei. Iwe, a üreni, “Kosap kechü.”

Lukas 7:15

Iwe, ewe mi mäla a pwätä o popuetä le kapas. Mürin Jesus a ngenisefäli inan.

Lukas 7:17

Ei pworaus usun Jesus a chöfetal lon unusen ewe fanü Jutea me ekewe fanü mi nom ünükün.

Johannes 11:25

Iwe, Jesus a üreni, “Ngang ewe manausefäl me ewe manau. Iö a lüküei epwe manau inamwo are epwe fen mäla.

Johannes 5:21

Usun ewe Sam a amanaua ekewe mi mäla o ngeniir manau, ina usun ewe Nau a fang manau ngeni chokewe i a filiiretä.

Johannes 5:25

Enlet üpwe wesewesen ürenikemi: Epwe war ewe fansoun, nge a fen war, lupwen ekewe mi mäla repwe rongorong mwelien Nöün Kot, nge chokewe mi rongorong repwe küna manau.

Nöün Paulus Toropwe ngeni ekewe Souläng lon Rom 4:17

pun a mak lon ekewe Toropwe mi Pin, “Üa föri pwe kopwe semelapen aramasen chomong mwü.” Iwe, ei pwon a mürina mwen mesen Kot, i ewe Apraham a lükü, ewe Kot mi amanaua ekewe mi mäla, i ewe a pwal allük pwe mine esap wor epwe wor.

Efisos 5:12

Pun a fokun asäw ach sipwe mwo nge föüni ekewe föför ra föri le monomon.