Lukas 7:12 - Chuukese Bible

¹² Lon ewe chök otun, lupwen a tori asamen tittin ewe telinimw, aramas ra ekiewu eman somä, ina i chök nöün eman fefin mi fen mä pwülülan. Iwe, eu mwichen aramas mi chomong ra eti.

Lukas 7:12 Iomraidhean Croise

Keneses 22:12

Nge ewe chon läng a apasa, “Kosap afeiengaua ewe ät. Iei üa silei pwe ka niueiti Kot, pun kosap achika noum aleman seni.”

Keneses 22:2

Iwe, Kot a üreni, “Kopwe angei Isaak noum aleman, ka echeni, o feila won ewe fanü Moria. Ikenan kopwe eäni asoren kek ngeniei won eu chuk üpwe aiti ngonuk.”

2. Samuel 14:7

Nge iei chon ai famili meinisin ra ü ngeniei o apasa, ‘Kopwe mwütawu ätewe mi awata pwin, pwe äm aipwe niela pokiten a nimanauei pwin.’ Are repwe föri ei, esap chüen wor eman alemwiri. Repwe angeala ai amwüchülan apilükülük o föri pwe esap chüen wor iten pwülüei ika mwirimwirin me won fanüfan.”

1. King 17:12

Iwe, neminewe a üreni, “Mwo manauen ewe Samol mi Lapalap om we Kot, esap mwo nge wor rei pilawa mi um. Mi chök wor ekumwuch pilawa mi amas lon eu sepi me ekis apüra lon eu rume. Iei üa rusi ekoch mwüch, pun üpwe feila o amolätä ewe mongö fän itei me fän iten nei we ät, pwe aipwe mongö. Mürin aipwap mäla ren echik.”

1. King 17:18

Iwe, neminewe a üreni Elias, “En aramasen Kot, pwota ka föri iei usun ngeniei? Ka feito pwe kopwe achema ngeni Kot ai kewe tipis pwe nei we ät a mäla.”

1. King 17:23

Mürin, Elias a angei ewe ät, a uwätiu seni ewe rum asan o ngeni inan we mi nom lon ewe rumw fan. Iwe, a üreni, “Nengeni, a manau noum we ät.”

1. King 17:9

“Iei kopwe feila Sarapat mi nom arun Siton, pwe kopwe nonom ie. Üa allük ngeni eman fefin mi mä pwülüan pwe epwe amongok me ikenan.”

2. King 4:16

Elisa a üreni, “Lon ei otun mürin eu ier kopwe afiti eman ät.” Nge neminewe a üra, “Apwi, ai samol en aramasen Kot, kosap chofana ngeniei ngang noum chon angang fefin.”

2. King 4:20

Mürin, ewe chon angang a eki ewe ät o uweela ren inan we. Neminewe a anomu nöün won pechen tori leoloas, mürin a mäla.

Hiop 29:13

Chokewe mi arap ngeni ar repwe mäla ra afeiöchüei, üa pwal apwapwai leluken ekewe fefin mi mä pwülüer.

Sekaraia 12:10

Üpwe tinato won ekewe mwirimwirin Tafit me chon Jerusalem eman ngün mi amefi ngeni aramas usun ewe ümöümöchün Kot me eman ngün mi atufichiir lon ar iotek. Iwe, repwe nenengeni ätewe ra posu o ngüngüres won, usun eman a ngüngüres won nöün aleman, repwe kechüengau won, usun eman a kechüengau won nöün mwänichi.

Lukas 7:11

Iwe, ekis fansoun mürin, Jesus a feila lon eu telinimw itan Nain, nge nöün kewe chon kaiö me eu mwichen aramas mi chomong ra pwal eti.

Lukas 7:13

Lupwen ewe Samol a küna ewe fefin, a fokun tongei. Iwe, a üreni, “Kosap kechü.”

Lukas 8:42

pun nöün we eman chök nengin engol me ruu ierin a arap ngeni mäla. Lupwen Jesus a etala Jairus, chomong aramas ra chök etiepach ngeni.

Lukas 8:52

Aramas meinisin mi nom lon ewe imw ra kechü o ngüngüres won ewe nengin, nge Jesus a üra, “Ousap kechü. Ewe nengin esap mäla, pwe a chök möür.”

Johannes 11:19

nge chomong chon Juta ra feila ren Marta me Maria pwe repwe aururur ren mongeer we a mäla.

Föför 9:39

Iei mine Petrus a ütä o etiir. Iwe, lupwen a tori ewe imw, ra emwenätä lon ewe ruum asan. Ikenan ekewe fefin mi mä pwülüer ra mwicheto ünükün, ra kechü o aiti ngeni Petrus ekewe söch me sokopaten üf Torkas a tei fän iter lupwen a chüen manau.

Föför 9:41

Petrus a amwöchü pöün o alisätä pwe epwe ütä. Mürin a kökköri ekewe chon lükü meinisin fiti ekewe fefin mi mä pwülüer o api ngeniir neminewe pwe a manau.

James 1:27

Än eman souläng limöch me pwüng mwen mesen Samach Kot a fis are epwe iei usun: epwe tümwünü ekewe mi mäsen me ekewe fefin mi mä pwülüer lon ar riaföü, epwe pwal püsin tümwünü i, pwe esap limengau ren ngauen ei fanüfan.