Lukas 6:7 - Chuukese Bible

⁷ Iwe, ekoch Sensen Allük me Farisi ra kütta eu popun pwe repwe tongeni atipisi Jesus, iei mine ra mamasafichi are epwe apöchöküla ewe mwän lon ewe ränin sapat.

Lukas 6:7 Iomraidhean Croise

Kölfel 38:12

Chokewe mi mochen nieila ra amolätä ar kewe sär, nge chokewe mi mochen ariaföüüei ra kapas usun ar repwe afeiengauaei, ra chök ekiekin rawangauaei fansoun meinisin.

Aisea 29:21

Kot epwe arosala chokewe mi atipisi aramas, chokewe mi sorei pwüngün kapwüng fän iten chon föföringau, pwal chokewe mi apasätä kapas chofana pwe repwe pinei än ekewe chon wenechar pwüng.

Jeremaia 20:10

Üa rongorong möngününgünün chomong aramas, “Niuokus watte a nom ekis meinisin. Ousipwe aturu i, ousipwe aturu i.” Pwal chiechiei kewe meinisin ra witiwiti ai üpwe turula. Ra apasa, “Eli epwe tup, mürin sipwe liapeni o ngeni chappen an föför.”

Mateus 5:39

Nge ngang üpwe ürenikemi: Ousap liwini än aramas ngau ngenikemi. Are eman epwe pösapei pelifichum, kopwe akulu ngeni pwal epek.

Markus 3:2

Iwe, ekoch aramas ra pwal nom ikenan, pun ra kütta och popun mine repwe aturu Jesus won. Iei mine ra mamasa Jesus are epwe apöchöküla ewe mwän lon ewe ränin sapat.

Lukas 13:14

Nge ewe nöüwisen ewe imwen felikis a chou, pwe Jesus a apöchökülätä ewe fefin lon ewe ränin sapat. Iei mine a üreni ekewe aramas, “A wor wonu ränin ach sipwe föri ach angang lon. Oupwe feito lon ekei rän pwe oupwe küna pöchökül, nge sap lon ränin sapat.”

Lukas 20:20

Iei mine ra mamasa Jesus o tinala chon operi i mi pomweni pomwen aramas mi öch, pwe repwe särei Jesus ren ar kapas ais, pun repwe tongeni atolonga fän nemenemen me pöchökülen ewe kepina.

Johannes 9:16

Ekoch lein ekewe Farisi ra apasa, “Ewe mwän mi föri ei esap tongeni feito seni Kot, pun esap aleasochisi ewe allükün sapat.” Nge pwal ekoch ra apasa, “Epwe ifa usun än eman chon tipis epwe tongeni föri ei sokun manaman?” A wor kinikinfesen lefiler.