Lukas 6:49 - Chuukese Bible

⁴⁹ Iwe, ika eman epwe rongorong ai kewe kapas nge esap apwönüretä, a wewe ngeni eman mwän mi aüetä imwan won pwül, nge esap wor longolongun. Iwe, lupwen ewe chanpupu a puiti ewe imw, a müttir turula, nge talan ewe imw a fokun watte.”

Lukas 6:49 Iomraidhean Croise

Än Salomon Fos 28:18

Eman mi wenechar esap tolong lon feiengau, nge eman mi manau rikirik epwe tolong lon feiengau.

Isikiel 33:31

Iwe, nei aramas repwe mwicheto reöm o mot me mwom pwe repwe aüselinga om kapas, nge resap aleasochis ngeni. Pun awer a pwärätä ar echeniei, nge letiper a chök mocheniaiti moni fän pwüngingau.

Osea 4:14

Nge ngang üsap apwüngü nöümi kewe föpwül ika pwülüen nöümi kewe mwän, lupwen ra föri ekei föför. Pun püsin ämi mwän oua rik ngeni ekewe fin lisowu o asorpök me chokewe mi fangala inisir fän iten lisowu lon imwenfel. Iwe, ekewe aramas esap wor ar mirit repwe feiengau.

Mateus 23:3

Iei mine oupwe aleasochis o föri meinisin mine ra ürenikemi, nge ousap apirü ar föför, pun resap manaueni mine ra eäni afalafal.

Mateus 24:10

Iwe, chomong repwe fangatä ar lükülük lon ena fansoun, repwe afangamäfengeniir lefiler o oputafengeniir.

Markus 4:17

Pokiten ewe kapas esap tongeni warar lor, esap tongeni nomotam. Pun lupwen a fis osukosuk me riaföü pokiten ewe kapasen Kot, ra müttir fangatä.

Lukas 12:47

Ewe chon angang mi silei letipen nöün we masta, nge esap molotä ika föri mine a mochen, epwe angei wichiwich mi chomong.

Lukas 19:14

Nge aramasen fanüan we ra oputa o tinala ekoch chon künö me mürin pwe repwe üreni, ‘Äm aisap mochen pwe ätei epwe nöüm king.’

Lukas 19:27

Nge chokewe mi oputaei resap mochen ai üpwe nöür king, oupwe emweniireto ikei o niirela me mwei.’”

Lukas 6:46

“Pwota oua aita ngeniei, ‘Samol, samol,’ nge ousap föri mine üa apasa ngenikemi?

Lukas 6:48

A wewe ngeni eman mwän a aüetä imwan, a tuw alololetiu o föri ewe longolong won achau. Iwe, lupwen ewe chanpupu a puwu o puiti ewe imw, ewe imw esap tongeni mächüngüchüng, pun a pöchökül.

Lukas 7:1

Iwe, lupwen Jesus a wes le kapas ngeni ekewe aramas usun ekei mettoch meinisin, a feila Kapernaum.

Johannes 15:2

Epwe pöküela ekewe palan meinisin mi nonom loi resap ua, nge ekewe palan meinisin mi ua, epwe limetiir, pwe epwe chomongola uar.

Föför 20:29

Ngang üa silei pwe mürin ai üpwe feila senikemi, aramas mi wewe ngeni wolif mwacho repwe feito leimi o repwe fokun afeiengaua ämi we mwich.

Föför 26:11

Fän chomong üa ariaföüür lon ar kewe imwen felikis, üa pwal achocho le föri mine repwe fangata ar lükülük ren. Lon ai lingeringeritiir üa fen mwo nge feila ngeni ekewe telinimwen chon ekis pwe üpwe ariaföüür.

1. Tesalonika 3:5

Iei popun üa tinala Timoty, pun üsap chüen tongeni engila ngeni ai üsap silei pworausemi. Iei usun üa tinala i an epwe pii ika ifa usun ämi lükülük. Ewer, üa chök niuokus ika Tefil a sotunikemi o äm angang meinisin epwe lomotongau.

2. Petrus 2:20

Are aramas ra sü seni limengauen tipisin ei fanüfan ren ar silei ach Samol me Chon Amanau Jesus Kraist, nge mürin ra tupusefälilong lon o kuf rer, ekei sokun aramas repwe feiengau lesopolan lap seni lepoputän.

1. Johannes 2:19

Ekei aramas resap wesewesen chon ach mwich, ina popun ra likitikich. Pun are repwe chon ach mwich, repwe chök nonom rech. Nge ar likitikich a afatatä pwe ir resap wesewesen chon ach mwich.