Lukas 6:48 - Chuukese Bible

⁴⁸ A wewe ngeni eman mwän a aüetä imwan, a tuw alololetiu o föri ewe longolong won achau. Iwe, lupwen ewe chanpupu a puwu o puiti ewe imw, ewe imw esap tongeni mächüngüchüng, pun a pöchökül.

Lukas 6:48 Iomraidhean Croise

2. Samuel 22:2

A apasa, “Ewe Samol mi Lapalap ai achau, i imwei imwen maun pwal i chon angasaei,

2. Samuel 22:32

Ewe Samol mi Lapalap i chök Kot. Kot echök ach achau.

2. Samuel 22:47

Ewe Samol mi Lapalap a manau. Üa mwareiti ai achau, üa ingeiti ai Kot mi amanauaei.

2. Samuel 22:5

Ekewe nonoon mäla ra pwelifeiliei, ekewe öütöüten feiengau ra puitiei,

2. Samuel 23:3

Ewe Koten Israel a kapas, ewe Achauen Israel a üreniei: Ewe king mi nemeni aramas fän pwüng, mi nemenem fän an niuokusiti Kot,

Kölfel 32:6

Iei mine ekewe chon allükülük repwe iotek ngonuk lon fansoun riaföü. Lupwen feiengauen apwüng a war usun eu noter, esap toriir.

Kölfel 62:2

I chök a tümwünüei o amanauaei, i a peniei pwe üsap fokun kuf.

Kölfel 95:1

Ou etto, ousipwe köl ngeni ewe Samol mi Lapalap. Ousipwe mweireir fän pwapwa ngeni Kot ewe mi tümwünükich.

Än Salomon Fos 10:25

Wesin än ewe mölümöl enito, ekewe aramasangau resap chüen nom, nge ekewe chon pwüng ra nüküchar tori feilfeilachök.

Aisea 26:4

Iwe, oupwe lükü ewe Samol mi Lapalap fansoun meinisin, pun Kot ewe Samol mi Lapalap eu achau tori feilfeilachök.

Aisea 28:16

Iei mine Kot ewe Samol mi Lapalap a apasa, “Nengeni, üa anomu lon Sion eföü föün longolong mi nüküchar, eföü föün lepwokuku mi aüchea o pos. Iö a lükü i esap lichipüng.

Aisea 59:19

Mürin, aramas meinisin seni lotou tori ötiu repwe niueiti ewe Samol mi Lapalap o meniniti an ling. Pun ewe Samol mi Lapalap epwe feito usun eu chanpupu mi pumong, pwal usun eu mölümöl.

Nahum 1:8

Nge epwe arosala chokewe mi ü ngeni ren eu lölö mi pumong, epwe asüelong chon oputan lon rochopwak.

Lukas 6:47

Ika eman epwe feito rei o rongorong ai kewe kapas o apwönüretä, üpwe pwäri ngenikemi met i a wewe ngeni:

Lukas 6:49

Iwe, ika eman epwe rongorong ai kewe kapas nge esap apwönüretä, a wewe ngeni eman mwän mi aüetä imwan won pwül, nge esap wor longolongun. Iwe, lupwen ewe chanpupu a puiti ewe imw, a müttir turula, nge talan ewe imw a fokun watte.”

Johannes 16:33

Ngang üa fen ürenikemi usun ekei mettoch, pwe oupwe eäni kinamwe loi. Lon fanüfan ämi oupwe riaföü, nge oupwe apilükülük, pun ngang üa akufu fanüfan.”

Föför 14:22

Ra apöchöküla ekewe chon lükü o anüküchareer pwe repwe tupwöl lon ar lükülük. Ra pwal üreniir, “Sipwe tolong lon Mwün Kot ren riaföü mi chomong.”

Efisos 2:20

Pwal ämi oua köütä won ewe longolong mi för ren ekewe soukünö me ekewe soufos, nge püsin Kraist Jesus i ewe föün lepwokuku.

Tuteronomi 32:15

Nge Jesurun a kitinupula o rochongau, a kitinupula, a wattela o misimis. Mürin a likitala Kot ewe mi föri, a turunufasei ewe Achau an Chon Amanau.

Tuteronomi 32:18

Ra likitala ewe Achau mi nöüniir, ra manlükala ewe Kot mi ngeniir manau.

Tuteronomi 32:31

Pun ekewe chon oputeer ra püsin silei pwe ar kewe kot resap usun än chon Israel Kot.

2. Timoty 2:19

Nge ewe longolong mi nükünük Kot a anomu esap tongeni mwökütüküt. A mak won ei longolong ekei kapas: “Ach Samol a silei chokewe ir nöün,” a pwal mak “Iö a apasa pwe i nöün ach Samol epwe fokun kul seni föföringau.”

2. Petrus 1:10

Iei mine ämi pwii kana, oupwe fokun achocho le anüküchara ämi kö me fil, pun are oupwe föri iei usun, ousap fokun tur lon tipis.

1. Johannes 2:28

Ewer, nei kana, oupwe nonom lon Kraist, pun lupwen i epwe pwä, kich sipwe fokun tipepwora, nge sisap opola seni fän säw lon ewe Rän epwe wareto.

Jutas 1:24

Iwe, ngeni i, ewe mi tongeni amwöchükemi pwe ousap tur lon tipis, a pwal tongeni aükemiitä, pwe oupwe unusen limöch o uren pwapwa me mwen an we ling,

1. Samuel 2:2

Esap wor eman mi pin usun ewe Samol mi Lapalap, esap wor eman lükün i, esap pwal wor eu achau usun ach we Kot.