Lukas 6:45 - Chuukese Bible

⁴⁵ Eman aramas mürina epwe chök atowu mettoch mi mürina seni letipan, nge eman aramasangau epwe chök atowu mettoch mi ngau. Pun eman aramas epwe chök apasawu met mi nom lon letipan.

Lukas 6:45 Iomraidhean Croise

Kölfel 140:5

Aramas mi lamalamtekia ra aopala eu sär fän itei, ra ameresala ar kewe chew o soni ar kewe likatup aropen ewe al pwe repwe liapeniei.

Kölfel 59:12

Pokiten kapasen awer ra chök tipis, repwe tup lon ar lamalamtekia. Pokiten ar ottek me chofana,

Kölfel 59:7

Kapasen turunufas me kapasen eniweniw ra towu seni awer, chönawer ra usun chök ketilas, nge ra ekieki pwe esap wor eman a rongorong ar kapas.

Än Salomon Fos 12:18

Mi wor aramas ra fos, nge resap ekieki och. Ekei sokun fos ra akinasa aramas, usun efoch ketilas a akinasa eman. Nge än ekewe chon tipachem kapas ra atoto pöchökül.

Än Salomon Fos 15:23

Eman aramas a pwapwa, lupwen a sileöchü mine epwe apasa, sokun kapas mi fichiti eu me eu fansoun.

Än Salomon Fos 4:23

Kopwe fokun tümwünü lelukom lap seni om tümwünü och pisek aüchea, pun manau a pop seni lon lelukom.

Johannes 7:38

Iö a lüküei usun ekewe Toropwe mi Pin ra apasa, chanpupun kolukun manau repwe puwu seni lelukan.”

Föför 5:3

Mürin Petrus a üreni, “Ananias, pwota ka mwüt ngeni Satan pwe epwe nemeni letipom, pwe ka chofona ngeni Ngünmifel ren om aopala och seni ewe moni ka angei fän iten fanüom we?

Efisos 3:8

Ngang ewe mi kis seni ekewe chon pin meinisin, nge Kot a ngeniei ei wis mi aüchea pwe üpwe uwei ngeni ekewe chon lükün Israel ewe Pworausen Manau usun ewe wöün Kraist esap wor epin,

Efisos 4:29

Esap wor kapas mi ngau epwe towu seni lon awemi, pwe kapas mi mürina chök, sokun kapas mi afefetai aramas o alisiir lon ar osupwang, pwe chokewe mi rongorong ngeni repwe feiöch ren.

Efisos 5:19

Oupwe aea le kapasfengen lefilemi ekewe kölfel, ekewe kölün lamalam me ekewe köl mi pin. Oupwe kölü ekewe kölün lamalam me ekewe kölfel ngeni ach Samol, oupwe mwareiti i lon lelukemi.

Kolose 3:16

Än Kraist kapas mi fokun aüchea epwe nonom lon letipemi. Oupwe aiti ngeni eman me eman lefilemi ei kapas o fönööfengenikemi fän mirit. Oupwe kölü ekewe kölfel, ekewe kölün lamalam me ekewe köl mi pin. Oupwe köl ngeni Kot fän kilisou lon letipemi.

Kolose 4:6

Ämi kapas epwe pwetete o apwapwai aramas, iwe, oupwe silei mine oupwe pölüeniöchü ngeni aramas meinisin.

Ipru 8:10

Iwe, iei ewe pwon üpwe föri ngeni ekewe chon Israel lon ewe fansoun epwe feito, iei alon ewe Samol: Üpwe atolonga ai kewe allük lon ekiekiir o makkeretiu lon letiper. Iwe, ngang üpwe ar Kot, nge ir repwe nei aramas kana.

Jutas 1:15

pwe epwe apwüngü aramas meinisin, epwe pwal atipisiir meinisin pokiten ar kewe föför ra föri ren ar resap meniniti Kot, pwal pokiten ekewe kapas mi fokun ngau ekewe chon tipis resap meniniti Kot ra apasatä lon ar ü ngeni.”