Lukas 6:42 - Chuukese Bible

⁴² Epwe ifa usun om kopwe tongeni üreni pwiüm, ‘Pwii kopwe mwüt ngeniei ai üpwe uwawu ewe kükün pipi lon mesom’, nge püsin en kosap küna ewe irä mi nom lon mesom? En eman chon likatuputup! Kopwe akomwen uwawu ewe irä mi nom lon mesom, iwe, mürin kopwe tongeni künafichi om kopwe uwawu ewe kükün pipi seni lon mesen pwiüm.

Lukas 6:42 Iomraidhean Croise

Än Salomon Fos 18:17

Eman mi akomwen fos lon kapwüng, aramas ra ekieki pwe a pwüng tori ewe chon pälüeni a feito o pälüeni an kapas.

Mateus 26:75

Iwe, Petrus a chechemeni mine Jesus a üreni, “Me mwen ewe chuko epwe kökkö, en kopwe amamäsiniei fän ülüngat.” Iwe, a towu lükün o fokun kechüengau.

Mateus 7:3

Pwota ka küna ewe kükün pipi mi nom lon mesen pwiüm, nge kosap mefi ewe irä lon püsin mesom?

Mateus 7:4

Epwe ifa usun om kopwe tongeni üreni pwiüm, ‘Kopwe mwüt ngeniei ai üpwe uwawu ewe kükün pipi mi nom lon mesom,’ lupwen a wor ewe irä lon püsin mesom?

Lukas 13:15

Mürin ewe Samol a üreni, “Ämi chon likatuputup! Ifa usun ousap apichi ririn nöümi kow ika aas seni ewe ia a riri ie o etekinala, pwe oupwe aünü ngeni koluk lon ewe ränin sapat?

Lukas 22:32

Nge ngang üa iotek fän itom Simon, pwe om lükülük esap ükütiu. Iwe, lupwen om kopwe liwinsefäl, kopwe apöchöküla pwiüm kewe.”

Lukas 6:41

Pwota ka küna ewe kükün pipi mi nom lon mesen pwiüm, nge kosap püsin mefi ewe irä lon mesom?

Lukas 6:43

“Efoch irä mi mürina esap uani ua mi ngau, nge efoch irä mi ngau esap uani ua mi mürina.

Föför 13:10

o a apasa, “En nöün ewe Tefil! En ewe chon oput meinisin mine a mürina! Ka uren sokopaten atuputup me ekisolä. Ka chök soreifochei än ach Samol kapas mi let ngeni kapas chofona!

Föför 2:38

Petrus a pölüeniir, “Ämi meinisin oupwe aier seni ämi tipis kana o papatais ngeni iten Jesus Kraist, pwe ämi tipis kana repwe musala. Iwe, oupwe angei an Kot we lifang, ewe Ngünmifel.

Föför 8:21

Esap wor wisom are kinikinum lon ei angang, pun lelukom esap pwüng mwen mesen Kot.

Nöün Paulus Toropwe ngeni ekewe Souläng lon Rom 2:1

En pwii, ifa usun, ka apwüngü pwal ekoch? Esap fokun wor om künetipingen, ese lifilifil ika en iö. Pun lupwen ka apwüngü ekewe ekoch, nge mürin ka föri ekewe sokun föför usun chök ir, ka püsin atipisuk.

2. Korint 5:18

Ekei mettoch meinisin ra pop seni Kot, i ewe mi achäfengenikich me i ren Kraist o ngenikich ewe angangen achächä.

2. Timoty 2:21

Are eman aramas a püsin limeti seni ekana sokun lapalap mi ngau, i epwe eu pisekin aea fän iten ekoch popun mi aüchea, pun a pin o lomot fän iten an Samol, a molotä pwe epwe eu pisekin aea fän iten föför mürina meinisin.

2. Petrus 1:9

Nge are ekei mettoch esap wor ren eman, ätewe a nenengau o chun, iwe, a manlükala pwe a fen limöch seni an kewe tipis a föri me lom.