Lukas 6:38 - Chuukese Bible

³⁸ Oupwe fangafangöch ngeni aramas, pun Kot epwe fangafangöch ngenikemi. Ewer, oupwe angei eu aükük mi unusöch, mi itelong o chachelong o säsewu, epwe urourela me le pöümi. Pun ewe chök aükük oua aea le aükük ngeni aramas, Kot epwe pwal aea ngenikemi.”

Lukas 6:38 Iomraidhean Croise

2. Samuel 19:36

Pwota en ai king kopwe liwiniei lon ei sokun lapalap? Ngang noum chon angang üpwe chök ekis etukela pekilan ewe chanpupu Jortan.

Ester 7:10

Iwe, ewe king a apasa, “Oupwe forusi Haman won.” Iei mine ra forusi Haman won ewe irä i a fen amolätä fän iten Mortokai. Mürin, än ewe king song a kisikisitiu.

Ester 9:25

Nge lupwen Ester a uwato ewe pworaus fän mesen ewe king, ewe king a makei eu allük pwe än Haman ekiekingau ngeni chon Juta epwe tori püsin inisin, pun i me nöün mwän repwe for won irä.

Hiop 42:11

Mürin, pwin Hiop kewe me fefinan, pwal aramas meinisin mi silei i me mwan ra feito ren pwe repwe mongö ren lon imwan. Ra aururu o achipa i ren ekewe feiengau meinisin ewe Samol mi Lapalap a atoto won me mwan. Iwe, eman me eman leir a fang ngeni eföü föün moni seni silifer me efoch ring seni kolt.

Kölfel 79:12

Ai Samol, kopwe liwini ngeni chon ekewe mwü fän fisu ar kewe kapasen turunufas ra turunufaseek ren.

Ekistos 21:24

eföü mas ngeni eföü mas, efoch ngi ngeni efoch ngi, efoch pau ngeni efoch pau, efoch peche ngeni efoch peche,

Än Salomon Fos 10:22

Feiöch seni ewe Samol mi Lapalap a awöüükich, nge i esap apacha och riaföü ngeni.

Än Salomon Fos 19:17

Eman aramas mi kichiöch ngeni chon wöüngau a fangala ngeni ewe Samol mi Lapalap, nge i epwe liwini ngeni liwinin an föför.

Än Salomon Fos 22:9

Eman mi eäni kirikiröch epwe feiöch, pun a ineti anan mongö ngeni ekewe chon wöüngau.

Jeremaia 32:18

Ka eäni om tong ellet ngeni ngeröü, nge ka liwini än samasam tipis won nöür kana me mwirir. En ewe Kot mi tekia o manaman, itom ewe Samol mi Unusen Manaman.

Mateus 10:42

Are eman a aünü ngeni eman ekei kükün eu mwo chök kapen koluk mi patapat pokiten an tapweto müri, enlet, üpwe ürenikemi, epwe fokun angei liwinin.”

Mateus 7:2

Pun Kot epwe apwüngükemi won ewe chök lapalap oua apwüngü aramas won. Epwe eäni ngenikemi ewe chök aükük oua eäni ngeni aramas.

Markus 4:24

Jesus a pwal üreniir, “Oupwe aü selingemi ngeni mine oua rongorong! Ewe chök aükük oua aea le aükük, iei ewe aükük Kot epwe aea ngenikemi, nge epwe fen lap seni.

Lukas 6:30

Are eman a tüngorek och mettoch, kopwe chök ngeni, nge are eman a angei och pisekum, kosap aissefäl fan pöchökül.

Tuteronomi 15:10

Iwe, oupwe kichiöch le fang ngeni pwimi we, nge ousap ekipwichi lon lelukemi, lupwen oua fang ngeni och. Pun are oua kichiöch, ewe Samol mi Lapalap ämi we Kot epwe afeiöchükemi lon ämi angang meinisin, pwal lon meinisin mine oua popuetä le föri.

James 2:13

Pun Kot esap eäni tong ngeni eman aramas esap eäni tong, lupwen a apwüngü. Pun tong a win lon kapwüng.

Soukapwüng 1:7

Mürin, Atoni-pesek a apasa, “A wor fik king üa pöküela aütülapen pöür me pecher, ra achchupi ener me fän ai chepel. Usun üa föri ngeniir, iei usun Kot a pwal föri ngeniei.” Iwe, ra emwenala ewe king Jerusalem, nge a mäla ikenan.