Lukas 6:29 - Chuukese Bible

²⁹ Are eman a pösapek, kopwe pwal akulu ngeni ewe epek. Are eman a angei üfom sekit, kopwe pwal mwüt ngeni üfom söch.

Lukas 6:29 Iomraidhean Croise

2. Samuel 19:30

Nge Mefiposet a üreni ewe king, “Sipa epwe angei meinisin, üa menemenöch pwe en, ai samol me ai king, ka liwinto fän kinamwe.”

2. Kronika 18:23

Mürin, ewe soufos Setekia a kan ngeni Mikaia, a pösapei o üreni, “Inet Ngünün ewe Samol mi Lapalap a towu seniei, pwe epwe kapas ngonuk?”

Aisea 50:6

Üa mwüt ngeni chokewe mi mochen awataei pwe repwe wichi söküri, üa pwal asele ngeni sapei chokewe mi pösapeei. Üsap aopa won mesei seni chokewe mi turunufaseei o atufaei.

Kölün kechü 3:30

Epwe aselei sapan ngeni ewe chon pösapei o mwärelong fän chomong turunufas.

Mika 5:1

Ämi chon Jerusalem, oupwe amwichafengeni nöümi kewe sounfiu. Ekewe chon oputakich ra pwelifeilikich fän pisekin maun. Repwe pösapei ewe chon nemeni Israel ren efoch wok.

Mateus 26:67

Mürin ra atufa mesan o wichi. Ekoch ra pösapei

Lukas 22:64

Ra finitala won mesan o aisini, “Iö a wichiik? Kopwe esilla.”

Lukas 6:30

Are eman a tüngorek och mettoch, kopwe chök ngeni, nge are eman a angei och pisekum, kosap aissefäl fan pöchökül.

Johannes 18:22

Lupwen Jesus a apasatä ekei kapas, eman me lein ekewe chon tümwünü imwenfel mi ü ünükün a pösapei o apasa, “Pwota ka nöünöü ei ititin kapas ngeni ewe Souasor mi Lap?”

Föför 23:2

Ren ei ewe Souasor mi Lap Ananias a allük ngeni ätekewe mi ütä ünükün Paulus pwe repwe pösapei awan.

1. Korint 4:11

Tori ei fansoun äm aia echik me kaka, aia üföüf üf mi kamwakam, ra wichikem, aia süsüfeil ngeni leni me leni.

1. Korint 6:7

Ämi uwala lon kapwüng fitikokon lefilemi a pwärätä pwe oua kuf lon ämi souläng. Ifa usun, esap fen öch än eman epwe föri mine a mwäl ngenikemi? Esap fen öch än eman epwe soläni pisekimi?

2. Korint 11:20

Ousap song ngeni chokewe mi nöünikemi amanau, ika chokewe mi ariaföüükemi, ika chokewe mi aliapakemi, ika chokewe mi lamalamtekia womi me chokewe mi pösapeikemi.

Ipru 10:34

Oua tongäsini chokewe mi nom lon imwen fötek, nge lupwen ra angei pisekimi meinisin fän pöchökül, oua likiti ngeniir fän pwapwa, pun oua silei pwe oua chüen eäni och mi mürina seni, epwe nonomola tori feilfeilachök.