Lukas 6:28 - Chuukese Bible

²⁸ Oupwe afeiöchü chokewe mi ottekikemi o iotek fän iten chokewe mi föföringau ngenikemi.

Lukas 6:28 Iomraidhean Croise

1. King 13:6

Mürin, ewe king a üreni ewe soufos, “Kose mochen kopwe tüngorei ewe Samol mi Lapalap om we Kot, pwe epwe ümöümöch ngeniei o iotek fän itei pwe pei epwe manausefäl.” Iwe, ewe soufos a tüngor ngeni ewe Samol mi Lapalap, nge pöün ewe king a manausefäl pwe a usun chök me mwan.

Isikiel 25:15

Iei alon Kot ewe Samol mi Lapalap, “Ekewe chon Filistia ra fokun apwüngüchouwu chon Juta fän kirikiringauen letiper o kütta usun ar repwe ataela Juta, pokiten ra oputeer seni me lomlom.

Isikiel 36:5

Iei usun mine ngang Kot ewe Samol mi Lapalap üa apasa: Fän puropuren ai song üa pälüeni ekewe mwü mi nom ünükümi, pwal unusen ewe fanü Etom, pun ra angei fanüei pwe repwe fanüeni fän pwapwamongun letiper me ar turunufas, ra pwal liapeni ekewe leni a mär fetil lon fän iten enen man.

Mateus 5:44

Nge ngang üpwe ürenikemi: Oupwe echeni chon oputakemi o iotek fän iten chokewe mi ariaföüükemi,

Lukas 23:34

Iwe, Jesus a apasa, “Semei, kopwe amuserela, pun resap silei mine ra föri.” Ra üttüt won üfan kana o ra ngeni eman me eman met üttian.

Lukas 6:27

“Nge üpwe ürenikemi ämi mi aüselingaei: Oupwe echeni chon pölüenikemi, oupwe föföröch ngeni chokewe mi oputakemi.

Lukas 6:35

Nge ämi oupwe echeni chon oputakemi o föföröch ngeniir. Oupwe mwütätä pisekimi ngeniir, nge ousap ekiekin angesefäli. Mürin oupwe angei liwinimi mi watte o wiliti Nöün Kot ewe mi Unusen Tekia. Pun Kot a kirikiröch ngeni chokewe resap sile kilisou, pwal ngeni ekewe aramasangau.

Föför 14:5

Mürin ekoch chon lükün Israel me chon Juta ra chufengen me nöür kewe souemwen pwe repwe ekiekifengeni usun ar repwe afeiengaua ekewe soukünö o mone ngeniir fau pwe repwe mäla.

Föför 7:60

Mürin a fotopwäsuketiu o kökkö fän leüömong, “Ai Samol, kopwe amusala ei tipis ra föri ngeniei.” Mürin an apasa ei a mäla.

Nöün Paulus Toropwe ngeni ekewe Souläng lon Rom 12:14

Oupwe tüngor ngeni Kot pwe epwe afeiöchü chokewe mi ariaföüükemi. Ewer, oupwe tüngor ngeni pwe epwe afeiöchüür, nge esap afeiengauer.

1. Korint 4:12

Aia angang weires ren püsin pöüm. Lupwen ra ottekikem, aia afeiöchüür, lupwen ra ariaföüükem, aia engila ngeniir.

James 3:10

Iotek me ottek ra towu seni eu chök aw. Ämi pwii kana, esap öch pwe epwe iei usun!

1. Petrus 3:9

Ousap liwini ngau ngeni ngau are ottek ngeni ottek, nge oupwe afeiöchüür, pun Kot a körikemi ämi oupwe föri iei usun, pwe oupwe angei eu feiöch.