Lukas 6:26 - Chuukese Bible

²⁶ Feiengauemi are aramas meinisin ra kapasöch usumi, pun ar kewe lewo ra fen eäni ei sokun kapas ren ekewe soufos chofona.

Lukas 6:26 Iomraidhean Croise

Än Salomon Fos 27:21

Usun silifer me kolt a pwä öchün lon ewe lenien ketel, iei usun a pwä lapalapen eman aramas, lupwen eman a mwareiti.

Aisea 30:10

Ra üreni ekewe souürür, ‘Ousap asile ngenikem künaemi,’ nge ngeni ekewe soufos ra apasa, ‘Ousap osuni ngenikem mine a pwüng, nge oupwe kapas motoutou ngenikem. Iwe, oupwe chök osuni mine a mwakel.

Jeremaia 5:31

Än ekewe soufos osuni a chofana, nge ekewe souasor ra nemenem fän püsin ar mochen. Nei aramas ra sani an epwe iei usun. Nge met repwe föri lon ewe fansoun sopolan?”

Mika 2:11

Are eman chon chofana me eman chon atuputup epwe feito o üreni ekewe aramas, pwe epwe wor chomong ünümer wain me sakau mi pwichikar, ätewe epwe fokun nöür soufos.

Mateus 7:15

“Oupwe afälikemi ren ekewe soufos chofona, ra feito remi lon lapalapen sip me lükün, nge me lon letiper a wewe ngeni tipen ekewe wolif mi mwacho.

Lukas 6:25

Feiengauemi ämi mi mötüla lon ei fansoun, pun oupwe echik. Feiengauemi ämi mi pwapwa lon ei fansoun, pun oupwe letipeta o kechü.

Johannes 15:19

Are oupwe pop seni ei fanüfan, ei fanüfan epwe echenikemi usun nöün kana. Nge ämi ousap pop seni ei fanüfan, pun ngang üa afilikemi seni fanüfan, ina popun fanüfan a oput ämi.

Johannes 7:7

Chon fanüfan resap tongeni oputakemi, nge ra oputaei, pun üa pwäri ngeniir pwe ar föför a ngau.

Nöün Paulus Toropwe ngeni ekewe Souläng lon Rom 16:18

Pun chokewe mi föri ei sokun föför resap angang ngeni Kraist ach Samol, nge ra angang ngeni püsin inisir. Ren ar kapas motoutou me kapas amichimich ra atupu ekewe aramas mi miritimang.

James 4:4

Ämi aramas mi kirikiringau! Ousap silei pwe chiechi ngeni fanüfan wewen fiu ngeni Kot? Iö a mochen chiechi ngeni fanüfan, i ewe aramas mi fiu ngeni Kot.