Lukas 6:25 - Chuukese Bible

²⁵ Feiengauemi ämi mi mötüla lon ei fansoun, pun oupwe echik. Feiengauemi ämi mi pwapwa lon ei fansoun, pun oupwe letipeta o kechü.

Lukas 6:25 Iomraidhean Croise

Kölfel 49:19

epwe chök eti an kewe lewo le mäla, chokewe resap fokun chüen küna saram.

Än Salomon Fos 14:13

Inamwo ika eman a takir, a pwal tongeni wor lolilen lon lelukan, nge mürin än eman pwapwa a tongeni fis letipeta.

Än Salomon Fos 30:9

Pun are üpwe fokun mötüla, üpwe tongeni amamäsinuk o apasa, “Iö na ewe Samol mi Lapalap?” Nge ika üpwe wöüngau, üpwe solä o atoto itengau won iten ai Kot.

Än Salomon Afalafal 2:2

Nge mürin üa mefi pwe takir umwes chök. Met echök lomoten pwapwa?

Än Salomon Afalafal 7:3

Iwe, letipeta a mürina seni takir, pun än eman letipeta a tongeni awili letipan.

Än Salomon Afalafal 7:6

Pun än chon umwes takir a wewe ngeni tärechopuchopun iräfölüföl lon ekkein fän kama. Pwal ei pön chök.

Aisea 28:7

Iwe, pwal ekewe souasor me soufos ra kukuul ren wain, ra mwaroro ren sakau. Ra ünümong wain me sakau pwe ra mwaroro o umwesila. Iwe, ekewe soufos ra mwäl lon künaer, ekewe souasor ra pwal mwäl lon ar apwüng.

Aisea 65:13

Iei mine ewe Samol mi Lapalap a apasa, “Nei chon angang repwe mongö o ün, nge ämi oupwe echik o kaka. Nei chon angang repwe pwapwa, nge ämi oupwe säw.

Aisea 8:21

Aramas repwe chök siamüfetal won ewe fanü fän riaföü me echik. Nge lupwen ar echik, repwe songeiti o otteki ar king me ar Kot. Iwe, repwe netä läng,

Aisea 9:20

Ra anenefetal ener mongö ekis meinisin, nge ra chüen echik. Ra mongö ekewe äkäekis mongö ra küna, nge resap mötüla ren. Ra mwo nge ochei en me püsin nöün.

Amos 8:10

Üpwe awili ämi kewe fansoun chulap ngeni fansoun letipeta me ämi kölün pwapwa ngeni kölün kechü. Üpwe föri pwe ämi meinisin oupwe üföüf üf seni tuk o räisöüla möküremi. Lon ena fansoun üpwe föri pwe oupwe letipeta usun eman a letipeta ren nöün aleman mi mäla. Meinisin mine a fis epwe sopolong lon riaföü.

Nahum 1:10

Oupwe karala usun irafölüföl mi likäräfit, pwal usun fetilipwas.

Lukas 12:20

Nge Kot a üreni, ‘Umwesum, lon chök ei pwinin kopwe le mäla. Iwe, iö epwe eäni ekei mettoch meinisin ka amolätä fän itom?’

Lukas 13:28

Iwe, oupwe fokun puchör o akarüngi ikenan, lupwen oupwe küna Apraham me Isaak me Jakop me ekewe soufos meinisin lon Mwün Kot, nge püsin ämi oupwe kösüla lükün.

Lukas 6:24

Nge feiengauemi ämi mi pisekisek lon ei fansoun, pun oua fen nom lon manau mi mecheres.

Lukas 6:26

Feiengauemi are aramas meinisin ra kapasöch usumi, pun ar kewe lewo ra fen eäni ei sokun kapas ren ekewe soufos chofona.

Lukas 8:53

Iwe, ir meinisin ra takiri, pun ra silei pwe ewe nengin a mäla.

Efisos 5:4

Esap pwal fichitikemi pwe oupwe apasa sokun kapas mi ngau, kapas mi lomotongau me kapasen turunufas, nge oupwe chök kilisou ngeni Kot.

1. Tesalonika 5:3

Lupwen aramas ra apasa, “Mettoch meinisin a kinamwe o nükünüköch”, mürin feiengau epwe müttir toriir usun cheuchen fam a tori eman fefin, nge esap wor eman aramas epwe tongeni sü seni.

James 4:9

Oupwe letipeta, oupwe kechü o ngüngüres. Oupwe siwili ämi takir ngeni kechü, pwal ämi pwapwa ngeni lolilen!

Pwärätä 3:17

Pun ka apasa, ‘Ngang üa pisekisek o wöü, esap wor ai osupwang.’ Nge en kosap silei pwe ka mwelele o attong, ka wöüngau me chun o selela.

1. Samuel 2:5

Iwe, ekewe mi pisekisek me mwan ra chon angang fän iten ener mongö, nge ekewe mi echik me mwan resap chüen echik. Neminewe mi rit a nöüni füman, nge neminewe mi wor chomong nöün a aleman.