Lukas 6:23 - Chuukese Bible

²³ Oupwe pwapwa are a fis ei sokun lapalap ngenikemi, oupwe mwetemwet fän pwapwa, pun liwinimi mi watte epwe iseis lon läng fän itemi. Pun ar kewe lewo ra fen föri ekei sokun föför ngeni ekewe soufos.

Lukas 6:23 Iomraidhean Croise

2. Samuel 6:16

Iwe, lupwen ra mwärelong än ewe Samol mi Lapalap we pworofel lon Jerusalem, Mikal nöün Saul we fefin a newu seni ewe asammwacho o küna ewe king Tafit pwe a mwetemwet o pworuk fän mesen ewe Samol mi Lapalap. Iwe, a turunufasei Tafit lon lelukan.

1. King 18:4

Pun lupwen Isipel a popuetä le niela nöün ewe Samol mi Lapalap kewe soufos, Opatia a angei ipükü soufos o aopala akalime lon eu föimw, a amongöniir pilawa o aünüür koluk.)

1. King 19:10

Elias a üra, “Üa fokun tiliken le angang ngonuk, ai Samol mi Lapalap ewe Kot mi Unusen Manaman. Nge ekewe armasen Israel ra atai om we pwon, ra ataela om kewe rongen asor o niela noum kewe soufos meinisin ren ketilas. Ngang echök üa chüen manau. Nge ra pwal ekiekin nieila.”

1. King 19:14

Elias a pälüeni, “Üa fokun tiliken le angang ngonuk, ai Samol mi Lapalap ewe Kot mi Unusen Manaman. Nge ekewe aramasen Israel ra atai om we pwon, ra ataela om kewe rongen asor o niela noum kewe soufos meinisin ren ketilas. Ngang echök üa chüen manau. Nge ra pwal ekiekin nieila.”

1. King 19:2

Mürin, Isipel a tinala eman chon künö ren Elias pwe epwe üreni, “Ekewe kot repwe nieila ika üsap föri ngonuk lesor lon ei otun usun mine ka föri ngeni ekewe soufos.”

1. King 21:20

Iwe, lupwen Ahap a küna Elias, a üreni, “Ifa usun, ka sereniei, en chon oputaei?” Elias a pälüeni, “Ewer, üa serenuk. Ka fangala inisum pwe kopwe föri mine a ngau me fän mesen ewe Samol mi Lapalap.

1. King 22:27

Kopwe üreniir pwe repwe aturalong ei mwän lon imwen fötek o akükünü anan mongö me ünüman koluk tori üpwe liwinto fän kinamwe.”

1. King 22:8

Iwe, ewe kingen Israel a pälüeni, “Mi chüen wor eman mwän, sa tongeni angei öüröürach seni ewe Samol mi Lapalap me ren, itan Mikaia nöün Imla we mwän. Nge ngang üa oput, pun esap fän eu mwo an epwe osuni och mi mürina usi, pwe mi ngau chök.” Nge Jehosafat a üra, “King Ahap, kosap aloni na.”

2. King 6:31

Iwe, ewe king a üra, “Amwo Kot epwe nieila, are üen Elisa nöün Safat we mwän esap pöküpök ikenai.”

2. Kronika 36:16

Nge ir ra chök sopwela le turunufasei nöün Kot kewe chon künö, ra oput an kapas o ämängaua nöün kewe soufos, tori ewe Samol mi Lapalap a aworato an lingeringer won nöün aramas, nge esap chüen wor eman a tongeni sü seni.

Nehemia 9:26

Iei mwo nge noum kewe aramas ra chök lükümach o ü ngonuk, ra pöütala om allük lükisökürür o niela noum kewe soufos mi fönöör pwe repwe kulsefälituk, ra pwal fokun turunufaseek.

Kölfel 58:11

Iwe, aramas repwe apasa, “Ellet, ekewe chon pwüng ra angei liwinir. Ellet, mi wor eman Kot mi eäni kapwüng won fanüfan.”

Aisea 35:6

chon pechemä repwe mwetemwet usun eman chia, nge ekewe chon awemwöch repwe köl fän mweireir. Pun lenien koluk repwe mökküla lon fanüpwas, nge chanpupu repwe pupu lon fanüapö.

Jeremaia 2:30

Esor lomoten ai apwüngükemi, pun ousap mirit ren. Usun eman laion mi kütta ochan, iei usun ämi oua niela nöümi kewe soufos.

Malakai 4:1

Iei alon ewe Samol mi Unusen Manaman, “Nengeni, epwe war eu rän, epwe pulopul usun eu um. Iwe, ekewe chon lamalamtekia me ekewe chon föföringau repwe wewe ngeni fetilipwas. Lon ewe rän ekkei epwe kenirela pwe esap chüen wor eman lusun.

Mateus 5:12

Oupwe pwapwa o mwanek, pun liwinimi epwe watte lon läng. Iei usun ra pwal ariaföüü ekewe soufos mi akom mwemi.

Lukas 1:41

Nge lupwen Elisapet a rong ewe kapong seni Maria, ewe mönükol a mwökütüküt me lon lukan. Iwe, Elisapet a ur ren Ngünmifel

Lukas 1:44

Pun lon ewe chök otun üa rong om we kapong, ewe mönükol lon lukei a mwetemwet fän pwapwa.

Lukas 6:35

Nge ämi oupwe echeni chon oputakemi o föföröch ngeniir. Oupwe mwütätä pisekimi ngeniir, nge ousap ekiekin angesefäli. Mürin oupwe angei liwinimi mi watte o wiliti Nöün Kot ewe mi Unusen Tekia. Pun Kot a kirikiröch ngeni chokewe resap sile kilisou, pwal ngeni ekewe aramasangau.

Föför 14:10

o apasa fän leüömong, “Kopwe üwenewenetä won pecheöm!” Iwe, ewe mwän a mwetetä o popuetä le fetalfeil.

Föför 3:8

Iwe, a mwetetä, a ütä won pechen o popuetä le fetal. Mürin a eti Petrus me Johannes le tolong lon ewe imwenfel, a fetal, a mwetemwet o mwareiti Kot.

Föför 5:41

Iwe, ekewe soukünö ra towu seni ewe mwichen soupwüng, ra fokun pwapwa, pun ra tongeni tolong lon riaföü me itengau fän iten Jesus.

Nöün Paulus Toropwe ngeni ekewe Souläng lon Rom 5:3

Nge sap iei chök, sia pwal pwapwaäsini ach kewe riaföü, pun sia silei pwe riaföü a afisätä ach tipeppos,

2. Korint 12:10

Iei mine üa pwapwa lon ai apwangapwang, lon ai küna turunufas, lon ai weires, lon ai ninni, pwal lon ai riaföü fän iten Kraist. Pun lupwen üa apwangapwang, ngang üa pöchökül.

Kolose 1:24

Iwe, iei üa pwapwa lon ai riaföü fänäsengesimi, pun ren ai riaföü lon inisi üa alisi le aunusöchüela mine esamwo unus lon än Kraist riaföü fänäsengesin inisin we, iei ewe mwichefel.

2. Timoty 2:12

Are sia likitü, sipwe eti i lon an nemenem. Are sia amamäsini i, i epwe pwal amamäsinikich.

Ipru 11:26

A ekieki pwe an küna itengau fän iten ewe Mesaia a aüchea seni wöün Isip, pun a nenengeni ewe liwin epwe angei me mürin.

Ipru 11:6

Esap wor eman a tongeni apwapwai Kot are esap wor an lükü. Pun iö a feito ren Kot epwe fokun lükü pwe mi wor Kot, nge epwe ngeni chokewe mi kütta i liwiniir.

James 1:2

Ämi pwii kana, oupwe fokun ekiekin pwapwa lupwen oupwe tolong lon sokopaten sosot,

1. Petrus 4:13

Nge oupwe pwapwa pwe oua eti Kraist lon an riaföü, pwe oupwe pwal uren pwapwa lupwen an ling epwe pwä.

Pwärätä 2:17

Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau üpwe ngeni och seni ewe mana mi monomon, üpwe pwal ngeni eman me eman leir eföü fau mi pwechepwech a mak won eu it mi fö, esap wor eman epwe silei pwe ewe chök eman mi angei.”

Pwärätä 2:26

Iö mi pwora ngeni mine a ngau o sopwela le föri letipei tori lesopolan, üpwe ngeni nemenem won ekewe mwü,

Pwärätä 2:7

Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau üpwe mwütätä pwe epwe mongö seni ewe irän manau mi nom lon än Kot we tanipi.”

Pwärätä 21:7

Iö mi pwora ngeni mine a ngau epwe feiöchüni ekewe feiöch meinisin. Iwe, ngang üpwe an Kot, nge i epwe nei.

Pwärätä 3:12

Iö mi pwora ngeni mine a ngau üpwe föri pwe epwe efoch ür lon än ai we Kot we imwenfel, nge esap chüen towu seni. Iwe, üpwe makkei won iten ai we Kot, pwal iten än ai we Kot we telinimw, ewe Jerusalem mi fö, epwe feitiu me läng seni ai we Kot, üpwe pwal makkei won itei we mi fö.

Pwärätä 3:5

Iö mi pwora ngeni mine a ngau epwe üföüf ei sokun üf mi pwechepwech, iwe, üsap amola itan seni ewe puken iten chon manau. Nge üpwe pwärätä pwe i nei mwen mesen Semei, pwal mwen mesen nöün kewe chon läng.