Lukas 6:21 - Chuukese Bible

²¹ Oua feiöch ämi mi echik lon ei fansoun, pun oupwe mötüla. Oua feiöch ämi mi kechü lon ei fansoun, pun oupwe fokun pwapwa.

Lukas 6:21 Iomraidhean Croise

Keneses 17:17

Iwe, Apraham a chapetiu lepwül, a takir o ekieki lon lelukan, “Ifa usun, eman mönükol epwe uputiu ngeni eman chinlap mi ierini ipükü? Nge Sara mi ierini tiwe epwe tongeni nöünöü?”

Keneses 21:6

Iwe, Sara a üra, “Kot a apwapwaei o atakiriei, nge meinisin mi rong ei pworaus repwe pwal etiei le takir.”

Kölfel 107:9

Pun a amötü chokewe mi kaka o amongöü chokewe mi echik ngeni mongö mi annö.

Kölfel 119:136

Chönün mesei ra pupu usun chanpupu, pun aramas resap aleasochisi om kewe allük.

Kölfel 143:6

Üa aitietä pei lon ai iotek ngonuk, ngüni a kakaituk usun eu fanü mi pwasapwas a kakaiti üt.

Kölfel 17:15

Nge me rei, ngang üpwe nenengeni mesom, pun üsap föri och mi mwäl. Lupwen üpwe nenela, üpwe fokun pwapwa ren ai nenengonuk.

Kölfel 28:7

Ewe Samol mi Lapalap a tümwünüei o epeti seniei feiengau, üa apilükülükü i, nge i a alisiei. Iei mine üa fokun pwapwa. Üpwe kilisou ngeni o kölün mwareiti.

Kölfel 65:4

Feiöchün chokewe ka filiretä o emwenireto pwe repwe nom lon leniom mi pin. Äm aipwe üren feiöch ren ekewe mettoch mi mürina me lon imwom we mi pin.

Aisea 25:6

Won ewe chuk Sion ewe Samol mi Unusen Manaman epwe amolätä eu kametip fän iten aramas meinisin won fanüfan, eu kametip ia epwe wor ie sokopaten mongö mi anö, pwal wain mi mürina.

Aisea 30:19

Ewer, ämi aramasen Sion mi imweimw lon Jerusalem, ousap chüen kechü. Kot epwe fokun ümöümöch ngenikemi, lupwen a rong ämi siö. Iwe, lupwen a rongorong, epwe pälüenikemi.

Aisea 66:10

Oupwe eti Jerusalem le pwapwa o mwänek usun, ämi meinisin mi tongei ei telinimw. Oupwe eti le meseik, ämi meinisin mi letipeta usun.

Jeremaia 13:17

Nge are ousap mochen aüseling, üpwe chök kechü lemonomon pokiten ämi lamalamtekia. Üpwe kechüangau, nge chönün mesei repwe suputiu, pun nöün ewe Samol mi Lapalap aramas ra oola.

Jeremaia 31:25

Üpwe apöchökülasefäli chokewe mi malülü o amongöni chokewe mi apwangapwangen echik.”

Jeremaia 31:9

Repwe feito fän kechü, repwe iotek lupwen üpwe aliwinireto. Üpwe emwenirela ünükün chanpupu, repwe fetal won efoch al mi wenechar, ia resap chepetek me ie. Pun üa eman sam ngeni Israel, nge Efraim nei mwänichi.”

Jeremaia 9:1

Amwo mökürei epwe eu lenien koluk, nge mesei epwe eu puächen chönün mas, pwe lerän me lepwin üpwe tongeni kechüeiti chokewe mi ninnila me lein nei aramas.

Isikiel 7:16

Iwe, chokewe meinisin mi chüen manau repwe süla won ekewe chuk usun chök lisom mi ässitä seni ekewe lemol pokiten ar niuokus. Repwe ngüngüres pokiten ar tipis.

Isikiel 9:4

“Kopwe fetalfeil lon unusen ewe telinimw Jerusalem o asisila won chamwen chokewe mi letipeta o kechü ren ekewe föför mi anioput ra fis lon.

Mateus 5:4

Ra feiöch chon kechü leluker, pun Kot epwe echipeer.

Mateus 5:6

Ra feiöch chon mochen föri mine a pwüng me mwen mesen Kot, pun Kot epwe amenemenöchür.

Lukas 1:53

A amenemenöchü chokewe mi echik ren chomong mettoch mi mürina, o tinala ekewe chon pisekisek fän ar asöülapö.

Lukas 6:20

Iwe, Jesus a nenengeni nöün kewe chon kaiö o apasa, “Oua feiöch ämi mi wöüngau, pun oupwe mwüni ewe Mwün Kot.

Lukas 6:22

“Oua feiöch are aramas ra oputakemi o likitikemi, are ra aitengauakemi o kapasingau usumi pokiten oua lükü Nöün Aramas.

Lukas 6:25

Feiengauemi ämi mi mötüla lon ei fansoun, pun oupwe echik. Feiengauemi ämi mi pwapwa lon ei fansoun, pun oupwe letipeta o kechü.

Johannes 11:35

Iwe, Jesus a kechü.

Johannes 4:10

Iwe, Jesus a pölüeni, “Are kopwe chök silei än Kot lifang, pwal ätewe mi tüngor ngonuk ünüman koluk, kopwe fen tüngor ngeni, nge i epwe ngonuk ewe kolukun manau.”

Johannes 6:35

Mürin Jesus a üreniir, “Ngang ewe mongön manau. Iö a feito rei esap fokun chüen echik, nge iö a lüküei esap fokun chüen kaka.

1. Korint 4:11

Tori ei fansoun äm aia echik me kaka, aia üföüf üf mi kamwakam, ra wichikem, aia süsüfeil ngeni leni me leni.

2. Korint 11:27

Mi wor ai angang weires, fän chomong üsap möür. Üa echik me kaka, fän chomong esap naf anei, üa föü, esap wor üfei.

2. Korint 12:10

Iei mine üa pwapwa lon ai apwangapwang, lon ai küna turunufas, lon ai weires, lon ai ninni, pwal lon ai riaföü fän iten Kraist. Pun lupwen üa apwangapwang, ngang üa pöchökül.

2. Korint 6:10

Aia letipeta, nge aia pwapwa fansoun meinisin. Aia usun itä nge chon wöüngau, nge aia awöüü chomong aramas. Aia usun itä nge aisap eäni och, nge aia wesewesen eäni mettoch meinisin.

James 1:12

A feiöch eman aramas mi tipeppos lon sosot, pun are epwe mokos lon ewe sosot, epwe angei ewe mwärin manau Kot a pwon ngeni chokewe mi echeni i.

Pwärätä 21:3

Iwe, üa rong mwelien eman mi leüömong a kapasowu seni ewe lenien motun king, “Nengeni, imwen Kot a nom lein aramas! Iwe, Kot epwe nonom lefiler o ir repwe aramasan, nge püsin Kot epwe etiir pwe epwe ar Kot.

Pwärätä 7:16

Resap chüen echik ika kaka, akkar esap chüen pwichitiir, nge och pwichikar esap toriir.