Lukas 6:20 - Chuukese Bible

²⁰ Iwe, Jesus a nenengeni nöün kewe chon kaiö o apasa, “Oua feiöch ämi mi wöüngau, pun oupwe mwüni ewe Mwün Kot.

Lukas 6:20 Iomraidhean Croise

Kölfel 37:16

Än eman chon pwüng pisek mi chokükün a mürina seni wöün ekewe aramasangau meinisin.

Än Salomon Fos 16:19

A mürina ach sipwe tipetekison o nom lein ekewe chon wöüngau lap seni ach sipwe nom lein chon lamalamtekia o angei liapach seniir.

Än Salomon Fos 19:1

Eman aramas mi wöüngau, nge a wenechar, a mürina seni eman aramas mi tiparoch, nge a rikirik lon an kapas.

Aisea 29:19

Ekewe chon tipetekison repwe eäni pwapwa me ren ewe Samol mi Lapalap, nge chon wöüngau repwe mwänek ren Ewe mi Pin lon Israel.

Aisea 66:2

Pun pei a föri ekei mettoch meinisin, iei mine ir meinisin nemeniei.” Pwal iei alon ewe Samol mi Lapalap, “Ngang üpwe chök aücheani eman aramas mi tipetekison o luketatakis, pwal eman mi niuokusiti ai kapas o aleasochis ngeni.

Sefanaia 3:12

Nge üpwe likiti me leimi eu mwichen aramas mi tipetekison o tipefesir, repwe anomu ar apilükülük woi.

Sekaraia 11:11

Iei usun ewe pwon a tala lon ewe rän. Nge ekewe chon kamö me amömö sip mi nenengeniei ra silei pwe iei alon ewe Samol mi Lapalap.

Mateus 11:5

Ekewe mi mesechun ra küna mwer, ekewe mi pechemä ra fetal, ekewe mi üriir rupun pwötür ra chikarsefäl, ekewe mi selingepin ra rongorong, ekewe mi mäla ra manauatä, ekewe mi wöüngau ra rongorong afalafalen ewe Pworaus Allim.

Mateus 25:34

Mürin ewe king epwe üreni ekewe aramas mi nom lepelifichin, ‘Oupwe feito ämi mi feiöch me ren Semei! Oupwe mwüni ewe mwü mi molotä fän itemi seni lepoputän fanüfan.

Mateus 5:1

Iwe, lupwen Jesus a küna ewe mwichen aramas mi chomong, a feitä won eu chuk o mottiu ikenan, nge nöün kewe chon kaiö ra feito ren.

Lukas 12:32

“Ousap niuokus, ämi mwich mi kisikis, pun Sememi a pwapwa ren an epwe ngenikemi ewe mwü.

Lukas 13:28

Iwe, oupwe fokun puchör o akarüngi ikenan, lupwen oupwe küna Apraham me Isaak me Jakop me ekewe soufos meinisin lon Mwün Kot, nge püsin ämi oupwe kösüla lükün.

Lukas 14:15

Iwe, lupwen eman lein ekewe mwän mi mot ngeni chepel a rong ekei kapas, a üreni Jesus, “Ra feiöch chokewe mi mot ngeni ewe kametip lon Mwün Kot!”

Lukas 16:25

Nge Apraham a üreni, ‘Nei, kopwe chechemeni pwe lon ränin manauom ka fen angei ekewe mettoch mi mürina meinisin, nge Lasarus a angei ekewe mettoch mi ngau. Nge iei a nom ikei lon an kinamwe, nge en ka nom ikenan lon om riaföü.

Lukas 4:18

“Ngünün ewe Samol a nonom woi, pun a afiliei pwe üpwe afalafala ewe Pworausen Manau ngeni ekewe chon mwelele. A tiniei, pwe üpwe aronga ngeni ekewe chon fötek pwe repwe ngasala, ekewe chon chun pwe repwe küna mwer, üpwe pwal angasala chokewe aramas ra ariaföüür.

Föför 14:22

Ra apöchöküla ekewe chon lükü o anüküchareer pwe repwe tupwöl lon ar lükülük. Ra pwal üreniir, “Sipwe tolong lon Mwün Kot ren riaföü mi chomong.”

2. Korint 6:10

Aia letipeta, nge aia pwapwa fansoun meinisin. Aia usun itä nge chon wöüngau, nge aia awöüü chomong aramas. Aia usun itä nge aisap eäni och, nge aia wesewesen eäni mettoch meinisin.

2. Korint 8:2

Ra küna watten sosot ren ekewe riaföü a toriir. Nge ar pwapwa a fokun lapalap, pwe ra fokun fangafangöch lon ar lifang, inamwo ika ra fokun wöüngau.

2. Korint 8:9

Pun oua silei ewe ümöümöch än ach Samol Jesus Kraist, inamwo ika a pisekisekila, nge a wöüngauela fän itemi, pwe ämi oupwe pisekisekila ren an wöüngau.

1. Tesalonika 1:6

Ämi oua apirükem me ach Samol. Inamwo ika oua tolong lon watten riaföü, oua etiwa ewe Kapasen Kot fän pwapwa mi feito seni ewe Ngünmifel.

2. Tesalonika 1:5

Ekei mettoch meinisin ra alletätä pwe än Kot kapwüng a pwüng. Iei popun oupwe fich ngeni ämi oupwe alealong lon Mwün Kot, ewe mwü oua riaföü fänäsengesin.

James 1:12

A feiöch eman aramas mi tipeppos lon sosot, pun are epwe mokos lon ewe sosot, epwe angei ewe mwärin manau Kot a pwon ngeni chokewe mi echeni i.

James 2:5

Ämi pwii kana mi achengicheng, oupwe aüseling! Ifa usun, Kot esap filätä ekewe aramas mi wöüngau won ei fanüfan pwe repwe pisekisek lon ar lükülük o feiöchüni feiöchün ewe Mwün Kot, i a pwon ngeni chokewe mi echeni?

Pwärätä 2:9

Üa silei om kewe riaföü. Üa silei pwe ka wöüngau, nge ka wesewesen pisekisek. Üa pwal silei pwe ka küna turunufas me ren chokewe mi apasa pwe ir chon Juta, nge sap ir chon Juta, pwe ir eu mwich än Satan.

1. Samuel 2:8

A aütai ekewe chon wöüngau seni lon pwül, a ekiewu chon mwelele seni lon ewe ioien falang, a amoteer ren ekewe samol o alenier won än chon iteföüla lenien mot. Pun ekewe longolongun fanüfan än ewe Samol mi Lapalap. I a aüetä fanüfan wor.