Lukas 6:19 - Chuukese Bible

¹⁹ Ekewe aramas meinisin ra sotuni ar repwe atapa Jesus, pun och manaman a towu seni o apöchöküleer meinisin.

Lukas 6:19 Iomraidhean Croise

2. King 13:21

Nge a fis, pwe lupwen ekoch aramas ra feila pwe repwe peiaseni eman mwän, ra küna ena sokun mwich. Iwe, ekewe aramas ra aturalong ewe somä lon peiasen Elisa o süla. Nge lon ewe otun ewe somä a torii chün Elisa, a manausefäl o ütä.

Mateus 14:36

Ra tüngormau ngeni pwe epwe mwüt ngeni ekewe chon samau ar repwe chök atapa lepwülün üfan. Iwe, ir meinisin mi atapa ra pöchökületä seni ar samau.

Markus 3:10

Pun Jesus a fen apöchöküla chomong aramas, iei mine chokewe mi samau ra chök etietifengen pwe repwe tongeni atapa Jesus.

Markus 5:30

Lon ewe chök otun Jesus a mefi pwe och manaman a towu seni, iei mine a sap ngeni ewe mwichen aramas o a aisiniir, “Iö we a atapa üfei?”

Markus 6:56

Iwe, ekis meinisin ia Jesus a feila ie lon ekewe sopw, telinimw me leni, ekewe aramas ra uwato ekewe chon samau lon ekewe lenien amömö o ra tüngor ngeni Jesus pwe epwe mwüt ngeni ekewe chon samau repwe atapa lepwülün üfan. Iwe, ir meinisin mi atapa ra pöchökületä seni ar samau.

Markus 8:22

Iwe, ra tori Petsaita. Ikenan ekoch aramas ra uwato ren Jesus eman mwän mi chun. Iwe, ra tüngormau ngeni pwe epwe atapa.

Lukas 5:17

Lon eu rän, lupwen Jesus a afalafal, ekoch ekewe Farisi me Sensen Allük ra mot ren, ra feito seni ekewe telinimwen Kalilea me Jutea meinisin, pwal seni Jerusalem. Iwe, manamanen ewe Samol a nom ren Jesus, pwe a tufichin apöchöküla ekewe chon samau.

Lukas 6:18

Ra feito pwe repwe rong ngeni än Jesus afalafal, epwe pwal apöchöküleretä seni ar kewe samau. Pwal chokewe mi riaföü ren ngününgau ra feito ren o küna pöchökül.

Föför 19:12

Ika mwo ekewe angkachi me mangaku Paulus a aea, aramas ra angei o iseis won ekewe chon samau, ar samau a wesila, nge ekewe ngününgau ra towu seniir.

1. Petrus 2:9

Nge ämi eu ainang mi fil, eu mwichen souasor än ewe king, eu mwün aramas mi pin, nöün Kot kewe aramas, oua fil pwe oupwe arongafeili än Kot kewe föför mi manaman, i ewe mi körikemiiwu seni rochopwak, pwe oupwe tolong lon an saram mi amwarar.