Lukas 6:18 - Chuukese Bible

¹⁸ Ra feito pwe repwe rong ngeni än Jesus afalafal, epwe pwal apöchöküleretä seni ar kewe samau. Pwal chokewe mi riaföü ren ngününgau ra feito ren o küna pöchökül.

Lukas 6:18 Iomraidhean Croise

Mateus 15:22

Iwe, eman fin Kanaan mi nom lon ena leni a feito ren o kökkö ngeni, “Ai samol, Nöün Tafit, kopwe tongeei. Nei nengin a fokun riaföü, pun eman anün rochopwak a wäni.”

Mateus 17:15

o üreni, “Ai samol, kose mochen kopwe ümöümöch ngeni nei ät! I a eäni mään kawakau o a fokun riaföü ren, pun fan chomong a turulong lon ekkei ika lon koluk.

Lukas 6:17

Lupwen Jesus a feitiu seni won ewe chuk me nöün kewe chon kaiö, a ütä lon eu leni mi sosonöch. Iwe, chomong nöün kewe chon kaiö ra mwicheto ren, pwal eu mwichen aramas mi chomong seni unusen ewe fanü Jutea, seni Jerusalem pwal seni ekewe telinimw Tirus me Siton mi nom aroset.

Lukas 6:19

Ekewe aramas meinisin ra sotuni ar repwe atapa Jesus, pun och manaman a towu seni o apöchöküleer meinisin.

Föför 5:16

Iwe, chomong aramas ra feito seni ekewe telinimw mi nom ünükün Jerusalem, ra ekieto ekewe mi samau ika chokewe mi wor ngününgau wor. Iwe, ir meinisin ra pöchökületä.