Lukas 6:17 - Chuukese Bible

¹⁷ Lupwen Jesus a feitiu seni won ewe chuk me nöün kewe chon kaiö, a ütä lon eu leni mi sosonöch. Iwe, chomong nöün kewe chon kaiö ra mwicheto ren, pwal eu mwichen aramas mi chomong seni unusen ewe fanü Jutea, seni Jerusalem pwal seni ekewe telinimw Tirus me Siton mi nom aroset.

Lukas 6:17 Iomraidhean Croise

Kölfel 103:3

A amusala ai tipis meinisin o amoela ai apwangapwang meinisin,

Mateus 11:21

“Feiengauom Korasim! Feiengauom Petsaita! Are ekewe manaman mi fen fis me lomi repwe fen fis lon Tirus me Siton, ekewe aramas lon ekei telinimw repwe üföüf üf seni tuk me lomlom o amoratiu falang won mökürer, pwe asisilen ar kul seni tipis!

Mateus 12:15

Lupwen Jesus a rong usun ar ekiekin rawangauei, a feila seni ewe leni, nge eu mwichen aramas mi chomong a tapwela mürin. Iwe, a apöchöküla ekewe chon samau meinisin

Mateus 14:14

Lupwen Jesus a tötiu me won ewe wa, a küna eu mwichen aramas mi chomong. A fokun tongeer o a apöchökülätä ekewe chon samau me leir.

Mateus 15:21

Mürin Jesus a feila seni ewe leni o feila lon eu fanü arap ngeni ekewe telinimw Tirus me Siton.

Mateus 5:1

Iwe, lupwen Jesus a küna ewe mwichen aramas mi chomong, a feitä won eu chuk o mottiu ikenan, nge nöün kewe chon kaiö ra feito ren.

Lukas 5:15

Iei mwo ei, nge ewe pworaus usun Jesus a chök chöfetal ekis meinisin. Iwe, eu mwichen aramas mi chomong ra feito pwe repwe rongorong an afalafal, repwe pwal küna pöchökül seni ar samau.

Lukas 6:12

Lon ena fansoun Jesus a feitä won eu chuk pwe epwe iotek. Iwe, a nonom ikenan o iotek ngeni Kot lon unusen ewe pwin.

Lukas 6:16

Jut nöün James me Jut Iskariot, ätewe mi afangamä Jesus.

Lukas 6:18

Ra feito pwe repwe rong ngeni än Jesus afalafal, epwe pwal apöchöküleretä seni ar kewe samau. Pwal chokewe mi riaföü ren ngününgau ra feito ren o küna pöchökül.