Lukas 6:12 - Chuukese Bible

¹² Lon ena fansoun Jesus a feitä won eu chuk pwe epwe iotek. Iwe, a nonom ikenan o iotek ngeni Kot lon unusen ewe pwin.

Lukas 6:12 Iomraidhean Croise

Kölfel 22:2

Ai Kot, üa siö ngonuk lerän, nge kosap pälüeniei, üa siö ngonuk lepwin, nge üsap tongeni asösö.

Aisea 26:9

Iwe, üa posituk lepwin, üa küttok ren unusen letipei. Lupwen ka apwüngü fanüfan, chon fanüfan ra kaiö mine a pwüng.

Taniel 6:10

Iwe, lupwen Taniel a silei pwe ei allük a sain, a feila lon imwan o tötä lon eu rumwen asan, ia a wor ie eu asammwacho mi sap ngeni Jerusalem. Ikenan Taniel a fotopwäsuk, a iotek o kilisou ngeni an we Kot fän ülüngat lon ewe rän, usun mine a piin föföri me mwan.

Mateus 5:1

Iwe, lupwen Jesus a küna ewe mwichen aramas mi chomong, a feitä won eu chuk o mottiu ikenan, nge nöün kewe chon kaiö ra feito ren.

Mateus 6:6

Nge lupwen ämi oupwe iotek, oupwe tolong lon rumwemi, oupwe apüngala asaman o iotek ngeni Sememi ousap küna. Iwe, Sememi mi küna mine oua föri le monomon epwe liwini ngenikemi.

Markus 1:35

Wünümweeränin sorotän ewe rän, lupwen akkar esamwo tötä, Jesus a pwätä o towu seni ewe imw. A feila lükün ewe telinimw lon eu leni ia esap wor aramas ie o a iotek.

Markus 3:13

Iwe, Jesus a feita won eu chuk o a kökkörato ätekewe i a mochen pwe repwe feito ren. Iwe, ra feito ren.

Markus 6:46

Mürin an kapong ngeni ekewe aramas, Jesus a feita won eu chuk pwe epwe iotek.

Lukas 5:16

Nge Jesus a feila seniir, a emanüla lon eu leni ia esap wor aramas ie o iotek.

Lukas 6:11

Nge ekewe Farisi me Sensen Allük ra fokun song o ra popuetä le pwüngüpwüngfengen lefiler usun mine repwe föri ngeni Jesus.

Lukas 6:17

Lupwen Jesus a feitiu seni won ewe chuk me nöün kewe chon kaiö, a ütä lon eu leni mi sosonöch. Iwe, chomong nöün kewe chon kaiö ra mwicheto ren, pwal eu mwichen aramas mi chomong seni unusen ewe fanü Jutea, seni Jerusalem pwal seni ekewe telinimw Tirus me Siton mi nom aroset.

Lukas 9:18

Lon eu rän, lupwen Jesus a chök emanüla le iotek, nöün kewe chon kaiö ra feito ren. Iwe, Jesus a aisiniir, “Met ewe mwichen aramas ra apasa usi?”

Lukas 9:28

Eu wiik mürin än Jesus apasa ekei mettoch, a emwenala Petrus, Johannes me James o emweniiretä won eu chuk pwe epwe iotek.

Lukas 9:29

Iwe, lupwen a iotek, wowoon won mesan a wilila, üfan kana ra molupolup o pwechela.

Johannes 6:3

Mürin Jesus me nöün kewe chon kaiö ra feitä won eu chuk o mottiu ikenan.

Kolose 4:2

Oupwe likitü o mamasa lon ämi iotek, oupwe pwal iotekin kilisou ngeni Kot.

Ipru 5:7

Lon fansoun än Jesus manau won fanüfan, a iotek o tüngor fän mwelian mi leüömong, a pwal kechü ngeni Kot, ewe mi tongeni amanaua i seni mäla. Iwe, Kot a aüselinga i, pun a meniniti i.

1. Samuel 15:11

“Üa lamalamala ren ai seikätä Saul pwe epwe king, pun a kul seniei o aleasolap ngeni ai kewe allük.” Iwe, Samuel a riaföü o siö ngeni ewe Samol mi Lapalap lon unusen ewe pwin.