Lukas 6:11 - Chuukese Bible

¹¹ Nge ekewe Farisi me Sensen Allük ra fokun song o ra popuetä le pwüngüpwüngfengen lefiler usun mine repwe föri ngeni Jesus.

Lukas 6:11 Iomraidhean Croise

Än Salomon Afalafal 9:3

Iei och mettoch mi ngau a fis won fanüfan, pwe eu chök lapalap a fis ngeni aramas meinisin. Letipen aramas ra uren mettoch mi ngau, ra pwal uren song lupwen ra manau, nge mürin ra chök mäla.

Mateus 16:7

Iwe, ekewe chon kaiö ra popuetä le kapasfengen lefiler, “A apasatä ei ititin fos, pun sisap uwou pilawa.”

Mateus 21:45

Lupwen ekewe souasor mi lap me ekewe Farisi ra rong än Jesus kewe pworausen awewe, ra mefi pwe a kapas usur.

Lukas 4:28

Iwe, lupwen ekewe aramas meinisin lon ewe imwen felikis ra rongorong ekei kapas, ra fokun song.

Lukas 6:10

Iwe, Jesus a nenengeniir meinisin, mürin a üreni ewe mwän, “Kopwe aitiewu poumw!” Iwe, a aitiewu pöün, iwe, a pöchökülsefäl.

Lukas 6:12

Lon ena fansoun Jesus a feitä won eu chuk pwe epwe iotek. Iwe, a nonom ikenan o iotek ngeni Kot lon unusen ewe pwin.

Johannes 11:47

Iei mine ekewe souasor mi lap me ekewe Farisi ra chufengen me ewe mwichen souapwüng o ra üreniir, “Met sipwe föri. Nengeni ekei manaman meinisin ei mwän a föri!

Johannes 7:1

Mürin ei pworaus, Jesus a chök saifetal lon Kalilea, pun esap mochen saifetal lon Jutea, pokiten ekewe nöüwisen chon Juta ra mochen niela i.

Föför 26:11

Fän chomong üa ariaföüür lon ar kewe imwen felikis, üa pwal achocho le föri mine repwe fangata ar lükülük ren. Lon ai lingeringeritiir üa fen mwo nge feila ngeni ekewe telinimwen chon ekis pwe üpwe ariaföüür.

Föför 4:15

Iei mine ra üreniir, pwe repwe towu seni ewe ruum ia chon ewe mwichen soupwüng ra mwich ie. Mürin ra pwüngüpwüngfengen lefiler.

Föför 4:19

Nge Petrus me Johannes ra pölüeniir, “Oupwe püsin apwüngü are a pwüng mwen mesen Kot ach sipwe aleasochis ngenikemi mwen ach aleasochisi Kot.

Föför 5:33

Iwe, lupwen chon ewe mwichen soupwüng ra rong ekei kapas, ra fokun lingeringer, pwe ra ekiekin niela ekewe soukünö.

Föför 7:54

Iwe, lupwen chon ewe mwichen soupwüng ra rongorong ngeni än Stefanus afalafal, ra fokun lingeringer o asüngürü ngiir lon ar song.

2. Timoty 3:9

Nge resap fefeitä lon manauer, pun aramas meinisin repwe küna ar tiparoch. Ina chök usun mine a fis ngeni Jannes me Jampres.