Lukas 5:6 - Chuukese Bible

⁶ Iwe, lupwen ra aturätiu nöür kewe chew, ra liapeni chomong, chomong ik, pwe nöür kewe chew ra popuetä le kam.

Lukas 5:6 Iomraidhean Croise

Än Salomon Afalafal 11:6

Lesosor kopwe amorafeili föün irä, kopwe pwal amorafeili lekuniol. Pun kosap silei meni leir epwe märöch, ika repwe märöch meinisin.

Lukas 5:7

Iei mine ra äkänipöü chiechier kewe mi nom won pwal ewe efoch wa, pwe repwe feito o alisiir. Iwe, ra feito o amasoua waar kewe ruofoch tori ra ur o arapakan ngeni ar repwe kokola.

Föför 2:41

Iwe, chomong me leir ra lükü an afalafal o ra papatais. Lon ewe rän ina epwe ükükün ülüngat ngeröü aramas ra pach ngeni ewe mwichen chon lükü Jesus.

Föför 4:4

Nge chomong aramas mi rongorong ngeni ar afalafal ra lükü. Iwe, iteiter fengen meinisin ina epwe ükükün limungeröü mwän.

1. Korint 15:58

Iei mine ämi pwii kana mi achengicheng, oupwe apposakemi, ousap mwöküt seni ämi souläng. Oupwe alapalafochei ämi achocho lon ewe angangen ach Samol, pun oua silei pwe esap lomotongau ämi angang lon ach Samol.

Kalatia 6:9

Iwe, sisap achanü le föföri mine a mürina. Pun are sisap achanü, epwe war ewe fansoun lupwen sipwe kini ewe räs.